ՀՀ պետական պարտքը հատել է 5 մլրդ դոլարի սահմանագիծը

Ֆինանսավարկային և բյուջետային հարցերի մշտական հանձնաժողովում մեկնարկեց ՀՀ 2015 թվականի պետական բյուջեի կատարման վերաբերյալ հաշվետվությունը, որին ներկա է նաև վարչապետ Հովիկ Աբրահամյանը:

ՀՀ Ֆինանսների նախարարի տեղակալ, գլխավոր գանձապետ Ատոմ Ջանջուղազյանը ներկայացրեց 2015 թվականին տնտեսական աճը, որը կազմել է 3.0 տոկոս:

Ըստ բանախոսի, 2015 թվականին 2014 թվականի նկատմամբ գրանցվել է ՀՆԱ-ի 3.0% աճ: ՀՆԱ-ի աճին նպաստել են գյուղատնտեսությունն, արդյունաբերությունը` 1.0 տոկոս և ծառայությունները, շինարարությունը: Պետական բյուջեի պակասուրդը 2015 թվականին կազմել է ՀՆԱ-ի 4.8%-ը, նախորդ տարվա 1.9%-ի համեմատ: Պակասուրդի ֆինանսավորման գերակշիռ մասը կատարվել է արտաքին աղբյուրներից միջոցների ներգրավմամբ, պետական պարտք՝ ՀՆԱ ցուցանիշը կազմել է 48.7%: 2015 թվականի արտաքին պետական պարտք, ՀՆԱ ցուցանիշը կազմել է 41.4%: Պետական բյուջեի պակասուրդը նախորդ տարի կազմել է ՀՆԱ-ի 4.8%-ը, նախորդ տարվա 1.9%-ի համեմատ: Պակասուրդի ֆինանսավորման գերակշիռ մասը կատարվել է արտաքին աղբյուրներից միջոցների ներգրավմամբ, պետական պարտք/ՀՆԱ ցուցանիշը կազմել է 48.7%: 2015 թվականի արտաքին պետական պարտք/ՀՆԱ ցուցանիշը կազմել է 41.4%:

Ա. Ջանջուղազյանը նշեց, որ ՀՀ արտաքին պարտքը կազմում է 5 միլիարդ 79 միլիոն դոլար, որից 1,858.1 մլրդ դրամը ՀՀ կառավարության պարտավորություններն են, 230.4 մլրդ դրամը` ՀՀ կենտրոնական բանկի վարկային պարտավորությունները: