Երկու հայ ծանրորդներ հռչակվեն են աշխարհի առաջնության բրոնզե մեդալակիրներ

Ծանրամարտի Հայաստանի հավաքականի երկու ծանրորդներ՝ 77 կգ քաշային Անդրանիկ Կարապետյանը եւ +105 կգ քաշային Գոռ Մինասյանն ամենայն հավանականությամբ կհռչակվեն 2016 թվականի աշխարհի առաջնության բրոնզե մեդալակիրներ:

Անցած տարվա նոյեմբերին Հյուսթոնում անցկացված աշխարհի առաջնությունում նրանք երկուսն էլ տեղ էին զբաղեցրել 4-րդ հորիզոնականում: Սակայն մասնակիցներից վերցրած դոպինգ ստուգումները մեր տղաների առջու մեկ աստիճան վեր բարձրանալու հեռանկար են բացել: Արդեն դեկտեմբերին ռուսաստանցի գերծանր քաշային Ալեքսեյ Լովչեւը ժամանակավորապես որակազրկվել էր իպամորելին օգտագործած լինելու համար: Արգելված պրեպարատ էր հայտնաբերվել նաեւ Անդրանիկի քաշային կարգում արծաթե մեդալի արժանացած կորեացի Կվանգ Սոնգ Կիմի անալիզում:

andranik

Այս շաբաթ ծանրամարտի միջազգային ֆեդերացիան Լովչեւին պաշտոնապես իրազեկել է 4 տարով որակազրկելու որոշման մասին: Ինչը նշանակում է, որ Գոռ Մինասյանը հետին թվով ճանաչվելու է աշխարհի առաջնության բրոնզե մեդալակիր:

gor

Ամենամոտ ժամանակներս կհայտարարվի նաեւ կորեացու պաշտոնական որակազրկման մասին ու Անդրանիկ Կարապետյանին նույնպես բրոնզե մեդալ կհանձնվի:
Հայաստանի տղամարդկանց հավաքականը այսօրվա դրությամբ Ռիո դե Ժանեյրոյի հինգ վարկանիշ ունի: Սակայն որակազրկումների վերջնական հաստատումից եւ թիմային միավորների վերահաշվարկումից հետո շատ հավանական է, որ մեկ քվոտա էլ ավելանա: