Տրանսպորտի և կապի նախարարությունն անտեսել է միջպետական ճանապարհի փլուզման հարցը

Արագածոտնի մարզի Ծիլքար գյուղի վարչական տարածքում՝ Սպիտակ-Երևան ավտոճանապարհին (Մարգարա-Վանաձոր-Տաշիր-Վրաստանի սահման միջպետական ավտոճանապարհի (Մ3) 95-96-րդ կմ-ում) փլուզում է տեղւ ունեցել:

Այդ մասին գրում է hraparak.am-ը:

Ամիսներ առաջ, երբ լրատվամիջոցները բարձրաձայնեցին այս մասին, տրանսպորտի և կապի նախարարությունը շտապեց հաղորդագրություն տարածել ու պնդել, թե ճանապարհին մի շարք աշխատանքներ են տարվել ու բացի տարված աշխատանքներից, նախարարությունը դիմել է «Արցախճան» ինստիտուտ ՓԲ ընկերությանը՝ տեղում ուսումնասիրություններ կատարելու եւ ճանապարհահատվածի վերականգնման նպատակով համապատասխան եզրակացություն տալու համար։ Փլուզումն իրականում տեղի է ունեցել դեռ մեկ տարի առաջ, իսկ ահա նախարարությունը հաղորդագրությունն ու հանձնարարությունը տվել է նախորդ տարվա նոյեմբերի վերջին:

Երեկ կրկին անցանք այդ ճանապարհով, փլուզումը կրկին առկա է, անձրևաջրերը լցվում են ճանապարհի տակ, իսկ հողը շարունակում է թափվել` լուրջ սպառնալիք լինելով միջպետական ճանապարհով երթևեկող վարորդների համար:

Փաստորեն ստացվում է, որ մեկ տարի շարունակ տրանսպորտի և կապի նախարարությունը, քաջ գիտակցելով ու իմանալով, որ միջպետական ճանապարհին լուրջ վտանգ կա, որևէ կոնկրետ քայլ չի կատարել:

Նյութն ամբողջությամբ` սկզբնաղբյուր կայքում: