ԱՄՆ-ն հուշում է նյարդամկանային համակարգով կոռուպցիայի դեմ պայքարող կառավարությանը

ՀՀ-ում ԱՄՆ դեսպանատունը իր ֆեյսբուքյան էջում հայտարարություն է տեղադրել, որտեղ ասվում է. «Կաշառակերությունն ամենուր է: Վերջերս ԱՄՆ-ում մի կաշառակեր պաշտոնյա ոչ միայն դատապարտվել էր 10 տարվա ազատազրկման, այլև պարտավորվել է վճարել այն 5.9 մլն ԱՄՆ դոլլարը, որ նա գողացել էր: ԱՄՆ-ում պաշտոնյաները պայքարում են կաշառակերության դեմ՝ խնդրին տալով արմատական լուծում՝ հայտնաբերում և դադարեցնում են կեղծիքը նախքան այն տեղի կունենար, վերականգնում են խարդախ գործարքները և դատապարտում խարդախներին»:

Նշենք, որ դեսպանատան գրառումը հաղորդագրություն է ուղղված ՀՀ կառավարությանը: քանի որ կառավարությունը վերջին տարիներին որոշել է պայքարել կոռուպցիայի դեմ, վերջին օրերին այդ որոշումը ավելի է արմատացել, ապա դեսպանատունը կոռուպցիայի փնտրտուքի խարխափումների մեջ ցույց է տալիս այն ճանապարհը, որով կարող է կառավարությունը պայքարել:

Նշենք, որ բացի խորհրդակցություններից, որոշումներից, հետազոտություններից ՀՀ կառավարությունը կոռուպցիայի բնագավառում այլ արդյունքների չի հասել և եթե կոնկրետ ցուցումներ չլինեն, ապա կոռուպցիայի դեմ պայքարը այսպես կշարունակվի ևս անհայտ ժամանակով:

Մինչ կառավարությունը դեգերումների մեջ է, այդ ընթացքում Հայաստանում կոռուպցիան ծլում-ծաղկում է. օֆշորից սկսած, դրամաշնորհները ,ներառյալ մինչև պետական միջոցները:
Հիշեցնենք, որ Վերահսկիչ պալատը վերջին տարիներին պատշաճ բացահայտումներ է կատարել մի շարք ոլորտներում, հարցեր, որոնք այդպես էլ պատասխաններ չգտան:

ՀՀ կառավարությունը մի կողմից չի ցանկանում քաղաքակիրթ աշխարհից հետ մնալ՝ ցույց է տալիս, որ պայքարում է կառավարության բոլոր նյարդերով ու մկանային համակարգով, մյուս կողմից զգուշանում են բացահայտումներից կամ ինքնաբացահայտվելուց:

Կոռուպցիայի և կաշառակերության օրինակները ոչ միշտ, սակայն շատ հաճախ են պտտվում մամուլում և եթե որևէ կառույց ցանկանա կոռուպցիայի դեմ պայքարում բացահայտումներ անել, ապա պարզապես պետք է բացահայտումներն անի:

Կարող ենք հավելել, որ Հայաստանում կոռուպցիան յուրօրինակ է դրսևորվում. Ազգակցական և գործընկերային հիմքով, եթե այլ երկրներում մեկ ուղղությամբ է զարգանում, ապա Հայաստանում՝ երկու ուղղությամբ:

Հիշեցնենք վերջին թարմ օրինակը: Համաձայն գաղտնազերծված փաստաթղթերի՝ ՀՀ գլխավոր հարկադիր կատարողը բաժնետեր է Պանամայում գրանցված երեք ընկերությունների՝ «Սիգթեմ ռեալ իսթեյթ ինքորփորեյթիդ» (Sigtem Real Estates Incorporated), «Հոփքինթեն թրեյդինգ ինքորփորեյթինգ» (Hopkinten Trading Incorporated), «Բանջիո ինվեստ» ԲԸ (BANGIO INVEST S.A.):
2015 թվականի սկզբի դրությամբ Պողոսյանն ունեցել է 26 միլիոն դրամ, 250 հազար դոլար և 12 հազար եվրո, իսկ տարվա վերջում դրանք դարձել են 22 միլիոն դրամ, 200 հազար դոլար և 12 հազար եվրո:

Ըստ որոշ տեղեկությունների, Միհրան Պողոսյանի ունեցվածքը կազմում է 800 մլն ԱՄՆ դոլար, որով կարելի էր օրինակ, սպառազինել ՀՀ բանակը:

Նման տվյալներն ավելի քան պարզ են կոռուպցիայի առումով, սակայն ՀՀ համապատասխան կառույցները չեն շտապում:

Անգամ Էթիկայի հանձնաժողովում է տեղակայվում բարձրաստիճան պաշտոնայների հայտարարգրերը, որտեղ պարզ նշվում են ունեցվածքները, որոնք հասնում են անբացատրելի միլիոնների, որոնց համար յուրաքանչյուրը պետք է պատասխանատու լինի, բայց դեռևս որևէ մեկը չի պատասխանում, թե որտեղից իրեն այդքան միլիոն:
Ե

վ մինչև այն ժամանակ, երբ որևէ բարձրաստիճան պաշտոնյա, կամ հանպատրաստից հարստացած չինովնիկ չի պատասխանում, թե իրեն որտեղից միլիոններ, այդքան ժամանակ կոռուպցիայի դեմ պայքար պարզապես պայքարի ձևականություն է: