400 բռնագանձման հայց՝ ընդդեմ կամավորների. ՎՏԲ-ի հայատյաց քաղաքականությունը

Վ.-ն մեկն է «ՎՏԲ» բանկի կողմից այն հազարավոր խաբվածներից, որ հայտնվելով կենցաղային ծանր պայմաններում, հավատացել են բանկի խոստումներին, կուլ են տվել խայծն ու այսօր հայտնվել ավելի ծանր վիճակում: Վերջինս newspress.am-ի հետ զրույցում պատմեց, թե ինչպես կենցաղային որոշ խնդիրներ լուծելու համար՝ 2015թ-ի հունիսին, վարկով գումար է վերցրել ու պարտաճանաչորեն սկսել վճարել տոկոսները:

Ավելի ուշ՝ ելնելով սոցիալակն որոշ խնդիրներից, նա տոկոսները կանգանցնելու խնդրանքով դիմել է բանկին, որպեսզի կարողանա վճարել մայր գումարը: Սակայն բանկի աշխատակիցները չեն ցանկացել նույնիսկ լսել նրան: Ավելին՝ աշխատակիցներից մեկն ակնարկել է, թե տոկոսները կկանգնեցնեն միայն մի դեպքում, երբ հաճախորդը մահանա: Բայց սա դեռ ամենը չէ: Տոկոսները չվճարելուց 3 ամիս անց պարզվել է, որ Վ.-ի 420 հազար դրամանոց վարկը տուժ ու տուգանքների հաշվին կրկնապատկվել է ու հասել 980 հազար դրամի: Այստեղ արդեն խնդիրն այն էլ չէ, թե ինչ արագությամբ են 3 ամսվա ընթացքում աճել տուժ ու տուգանքները, այլ այն, թե ինչպես են վերաբերվում ՎՏԲ բանկի աշխատակիցներն իրենց հաճախորդներին: Այն, որ «ՎՏԲ» հայաստանյան բանկի 100% սեփականատերն է Ռուսական ՎՏԲ բանկը, իսկ ռուսական ՎՏԲ բանկի մոտ 3 տոկոս սեփականատերն է Ադրբեջանի Պետական նավթային ֆոնդը, այսինքն՝ Ադրբեջանը, նորություն չէ: Սակայն պարզ չէ, թե որտեղից է գալիս ՎՏԲ-ի աշխատակիցների թշնամական վերաբերմունքն իրենց իսկ հաճախորդների նկատմամբ:

Պարզաբանելու համար նշենք, որ վերոհիշյալ հաճախորդը չի հրժարվում վճարել իր պարտքը, պարզապես ելնելով իր սոցիալակն ծանր վիճակից, խնդրում է կանգնեցենլ տոկոսները, սակայն նրան ոչ միայն պատուհանից- պատուհան են ուղարկում, այլև արժանացնում են անմարդկային ու արհամարհական վերաբերմունքի: Դեպքը չմասնավորեցնելով, ուզում եմ հիշեցնել նաև, որ որոշ բանկեր, այդ թվում նաև «ՎՏԲ» -ն, հայտարարեցին, թե կասեցնելու են ապրիլյան քառօրյաում զոհված զինվորների ընտանքիների վակերը: Սակայն փաստերը ցույց են տալիս, որ դա միայն արվեց սեփական փիառի նպատակով: Մարտական գործողությունների ժամանակ զոհված գյումրեցի ավագ լեյտենանտ Հրաչ Գալստյանի ծնողները՝ Անահիտ և Վարդան Գալստյաններն տարակուսում են. բանկային կազմակերպությունների հայտարարած զիջումները կարծես թե իրենց վրա չեն տարածվել, քանի որ շարունակում են մուծումներ կատարել:

Զոհված զինծառայող Գրիգոր Հարությունյանի մայրը՝ Անահիտ Հարությունյանը ևս նշել է, որ «ՎՏԲ» բանկը իրենից պահանջում է որդու վերցրած վարկի 21 հազ. դրամ ամսավճարը: Նկատենք, որ Անահիտ Հարությունյանն ունի առողջական խնդիրներ, և գտնվում է նախաինսուլտային վիճակում: Ժամանակին «ԱԼԳԱ» իրավաբանական ընկերությունը հայտարարել էր, որ Ադրբեջանը դե ֆակտո հանդիսանում է «ՎՏԲ-Հայաստան բանկ» ՓԲԸ սեփականատեր. դա ցինիզմ է, և պետությունը պետք է միջամտի»:

Ավելին՝ ըստ մամուլի հրապարակումների՝ «ԱԼԳԱ» իրավաբանական ընկերության հիմնադիր տնօրեն Սուսաննա Սարգսյանի դիմել է ՀՀ նախագահին, գլխավոր դատախազին, ԱԱԾ տնօրենին, ԿԲ-ն, նշելով, որ վերոնշյալ հանգամանքն իրական սպառնալիք է ստեղծում ՀՀ անվտանգությանը և լրջագույն իրավական խնդիրներ առաջացնում «ՎՏԲ-Հայաստան բանկ» ՓԲԸ-ի աշխատակիցների և հաճախորդների համար՝ ակնկալելով պետության միջամտությունը: Ըստ ընկերության հիմադիրի՝ ԿԲ-ը խնդրին լուրջ ու բազմակողմանի չի մոտեցել, կամ չի տիրապետում խնդրի լրջությանն ու խորությանը, կամ չի ուզում գնահատական տալ: Վերջինիս խոսքով ԿԲ պատասխանը ևս ուղարկել են ԱԱԾ-ին: Հետաքննություն է կատարվում: Ի դեպ «ԱԼԳԱ» -ն բազմիցս անդրադարձել է, ռուս-ադրբեջանական «ՎՏԲ-Հայաստան բանկ» ՓԲԸ-ի կողմից ՀՀ ում իրականացվող հայատյաց քաղաքականությանը: Ընկերության տարածած հրապարակումներից մեկում կարդում ենք. «Ապրիլի 1-7 ընկած ժամանակահատվածում ռուս-ադրբեջանական «ՎՏԲ-Հայաստան բանկ» ՓԲԸ-ն մոտ 400 բռնագանձման հայց էր ներկայացրել ըննդեմ այդ պահին Արցախի սահամանը պաշտպանող մեր կամավորականների, ակնհայտ նպատակ ունենալով ստեղծել այնպիսի իրավիճակ, որպեսզի ազատամարտիկները իրենց կացարանները կորցնելու վտանգի տակ լքեն սահմանը»:

«ԱԼԳԱ» Իրավաբանական ընկերությունը, ծանոթ լինելով ՎՏԲ բանկում հաճախորդների նկատմամբ տարվող քաղաքականությունն ու նրա գործունեությունը հայտարարություն է տարածել: «Ռուս-Ադրբեջանական «ՎՏԲ-Հայաստան բանկ» ՓԲԸ-ն մեր պետության մեջ շուրջ երեք տարի գործում է ապօրինի, քանի որ նրա բաժնետերը Ադրբեջանն է, որի «ՎՏԲ բանկի»-ի բաժնետեր դառնալուց ի վեր պետք էր բացառել «ՎՏԲ-Հայաստան բանկ» ՓԲԸ-ի գործունեությունը ՀՀ-ում, զուտ այն պատճառով, որ նրա բաժնետերն է թշնամի պետությունը, որի դեմ ստացվում է մի ձեռքով մարտնչում ենք մյուս ձեռքով հովանավորում:

Հայտնել ենք նաև, որ «ՎՏԲ-Հայաստան բանկ» ՓԲԸ-ին արտոնագրից զրկելու հարցով արդեն իսկ ընթանում է ստորագրահավաք և մեծ հույսեր ունենք, որ շատ շուտ հարցը կլուծվի հոգուտ Հայաստանի Հանրապետության և ռուս-ադրբեջանական «ՎՏԲ-Հայաստան բանկ» ՓԲԸ-ը մեր համաքաղաքացիների հանդեպ ունեցած ողջ սառկազմուվ կլքի ՀՀ-ն, ինչպես նրա բաժնետերը՝ Ադրբեջանը առհավետ կհրաժարվի Արցախը իրենը համարելու երազանքից»:

Ցավոք մինչ ՎՏԲ-ն կլքի Հայաստանը օրերս. ԱԺ-ը մի քանի կոճակների հպումով, որոշեց պետական բյուջեյով փակել «Հրազդան-ցեմենտ» ընկերության պարտքը ՎՏԲ-ին: Սրանով ԱԺ փաստացի հարստացրեց բանկի ադրբեջանցի սեփականատիրոջը: