Պարոն դատախազ՝ Արմեն Փանոսյան, մի վարկաբեկեք Ձեզ, հրաժարվեք մեղադրանքից

Պարոն դատախազ՝ Արմեն Փանոսյան, ինչու չեք ներկայանում դատարան: Մեկ տարի շարունակ ընթացող  դատական պրոցեսի 70 տոկոսին չեք ներկայացել: Սա այն դեպքում, երբ դատախազությունը  իր պատշաճությամբ  պետք է օրինակ ծառայի շարքային քաղաքացիներին առ այն, թե ինչպես է պետք ներկայանալ դատարան: Ինչի՞ եք ձգտում, որ դատարանը որոշում կայացնի և Ձեզ ստիպողաբա՞ր բերի դատարան այն ժամանակ, երբ Գոռ Վարդանյանի համար  արդարացման որոշում կկայացնի ստորև ներկայացված փաստաթղթերի հիման վրա:

Ո՞րն է Ձեր նպատակը, չէ՞ որ Դուք բոլորի առավել քաջատեղյակ եք, որ Գոռ Վարդանյանի մոտ առկա է երկու հիմնավոր փաստաթուղթ ՀՀ ՊՆ-ից և ԼՂՀ-ից, որոնք, ինչպես ժողովուրդն է ասում, քար են ծակում:

Չէ՞ որ Դուք բոլորից լավ եք հասկանում, որ   ընդամենը մեկ անգամ ներկայանալով դատարան՝ այդ գործն անմիջապես կփակվի:  Չե՞ք  գտնում արդյոք, որ  այս խառը ժամանակներում, երբ Ադրբեջանական մամուլն ուշի-ուշով հետևում է, թե ինչ է կատարվում Հայաստանում, զենք-զինամթերքների գործը պետք է վաղուց փակված լիներ, մանավանդ, որ դրա համար կան բավարար հիմքեր:

Եթե կան անձնական խնդիրներ, ապա տղամարդկություն ունեցեք և  հայտարարեք այդ մասին, և ինչպես ռուսները կասեն՝ «նե տյանիտե կատա զա խվոստ». դրանով Դուք միայն Ձեզ եք վարքաբեկում և կասկածի տակ եք դնում Ձեր պրոֆեսիոնալ ունակությունները:

Նյութը` hartak.am-ի