Ադրբեջանի առջև պետք է կտրուկ պայմաններ առաջ քաշվեն. «168 Ժամ»

«Կարծում եմ, որ այդ հանդիպումն ագրեսորի ներման ակտ է։ Վիեննայում կայանալիք բանակցությունները նախադեպ ես ստեղծում, որպեսզի ապրիլյան պատերազմը կրկնվի ամեն ամիս, քանի որ Ադրբեջանի կողմից բանակցային գործընթացի խախտումը հանգեցրեց այն բանին, որ բանակցային գործընթացը չի կարող վերականգնվել առանց հավելյալ նախապայմանների։

Մայիսի 16-ին մենք կտեսնենք, թե ինչպիսի հավելյալ անհրաժեշտ պայմաններ են դրվել Ադրբեջանի առջև։ Եթե այդ հավելյալ պայմանները չլինեն, դա կնշանակի՝ ագրեսորի ներում»,- «168 ժամի» թղթակցի հետ զրույցում այս մասին է ասել Ռուսաստանի Դաշնության առաջին կարգի պետական խորհրդական, «Ռեգնում» լրատվական գործակալության գլխավոր խմբագիր Մոդեստ Կոլերովը։

Նա նաև նշել է, որ եթե ինչ-որ արդյունք լինի այդ բանակցությունների հետևանքով, ապա մենք այն կտեսնենք, առաջին հերթին, շփման գծի մոնիտորինգային առաքելություն տեղակայելու որոշումներում, որպես բանակցային գործընթացի մասնակից՝ ԼՂ կարգավիճակի բարձրացման որոշումներում։ «Եթե այդ հարցերը չլուծվեն, ապա հանդիպումը կլինի դատարկ, ապարդյուն։ Ադրբեջանի առջև պետք է կտրուկ պայմաններ առաջ քաշվեն, այլապես անիմաստ է հանդիպել Ադրբեջանի նախագահի հետ»,- ասել է նա։

Մանրամասները՝ թերթի այսօրվա համարում: