Սերմը ցանված է, բայց պտուղի համար` ժամանակ է պետք

«Միշտ չէ, որ արդյունքները երևում են միանգամից, երբ սերմը ցանում ես, միանգամից չի աճում այն, պետք է ջրեն, արև լինի, փայփայեն. ժամանակ է պետք, որ դառնա պտուղ: Հիմա սերմը ցանվել է, պտուղ դառնալու համար պետք է ժամանակ, նաև, որ այդ ժամանակի ընթացքում տարբեր մոլախոտերն այդ սերմը չուտեն»:

Այսօր ՀՀԿ Գործադիր մարմնի նիստից հետո ՀՀԿ խոսնակ, ԱԺ փոխնախագահ Էդուարդ Շարմազանովը` մեկնաբանելով ՀՀ վարչապետ Հովիկ Աբրահամյանի`  պետական կառավարման ոլորտի ծախսերի օպտիմալացման, կոռուպցիայի դեմ  պայքարի անհրաժեշտության մասին հայտարարությունը:

«Վարչապետի հայտարարությունը պետք է դիտարկել հենց Նախագահի վերը նշված ելույթի համատեքստում: Նախագահ Սարգսյանը փետրվարի 12-ին  հստակ նշեց այն առաջնահերթությունները, որով պետք է առաջնորդվի պետական համակարգը, պետական պաշտոնյանները»,- ընդգծեց Էդուարդ Շարմազանովը:

ՀՀԿ խոսնակը նկատեց, որ ապրիլյան քառօրյա պատերազմն ավելի ցայտուն դարձրեց  Հայաստանի «պլյուսներն» ու «մինուսները», որոնք ցանկացած պետություն և կամ մարդկային օրգանիզմ ի ցույց է  դնում ճգնաժամային ժամանակներում:  Շատ դրական է, որ կառավարությունը պատրաստակամ է տեսնել այդ թերությունները,  պատրաստակամ է լուծել դրանք և ասել հանրությանը, որ բավարար չէ մինչ այս ստացած արդյունքները»,-ասաց Շարմազանովը: