Փուչիկներով Նիվան ադրբեջանցուն հաղթած մարզիկի ավտո չէ

Երեկ համացացանցը ողողվեց Մոսկվայի Լուժնիկի մարզապալատում ադրբեջանցուն հաղթած մեր հայրենակից Ալբերտ Ղազարյանի տեսանյութով, որում հաղթանակած հայ մարզիկը նախ մարզահարթակի վրա տմտմբացրեց պարտված ադրբեջանցու թշերը, ապա զինվորական համազգեստով Լուժնիկի մարզապալատով մեկ ազդարարեց, որ ադրբեջանցու հանդեպ իր հաղթանակը նվիրում է սահմանը պահող հայ զինվորին.

«Ես ձեր ցավը տանեմ, էս հաղթանակը նվիրում եմ իմ հայ ազգին, իմ հայ զինվորներին, ովքեր պոստերում կանգնած՝ մեր հողը ամուր պահում են, ես Ձեր ցավը տանեմ»:

Իսկապես այս հաղթանակի ոգևորությունը մեծ է, նախ որ պարտվողը ադրբեջանցի էր, և ժամանակային առումով՝ բավականին խոսուն: Հայաստանի ազգային օլիմպիական կոմիտեի նախագահ Գագիկ Ծառուկյանն առաջինն ընդունեց Մոսկվայի Լուժնիկի մարզապալատում ադրբեջանցի մարզիկին հաղթած Ալբերտ Ղազարյանին: Բայց այդ հանդիպումից հետո Ծառուկյանի ոգևորությունը միանգամից մեծացավ, շատերինը խամրեց, երբ ՀԱՕԿ նախագահ Գագիկ Ծառուկյանը ադրբեջանցուն հաղթած մարզիկին Նիվա մակնիշի ավտոմեքենա նվիրեց:

Ժամանակին ԱԼՄ-ի հիմնադիր Տիգրան Կրապետյանը նիվա մեքենաներ էր նվիրում մարդկանց, ովքեր գյուղից քաղաք տեղափոխվելու խնդիր ունեին, գյուղից շուկա տեղափոխելու ապրանք ունեին:

Փուչիկներով Նիվան ադրբեջանցուն հաղթած մարզիկի ավտոմեքենա չէ :