Հովիկ Աբրահամյանը իր աչքի գերանը թողած ուրիշի աչքում փուշ է ման գալիս

«Թեև մենք ունենք հաստատված բյուջե, սակայն պետք է անցնենք խնայողության առավել խիստ ռեժիմի: Պետք է ձևավորենք առավել քիչ ծախսատար պետական կառավարման ապարատ: Պետք է կրճատենք այն ծախսերը, որոնք չունեն էական ազդեցություն իրական արդյունքի վրա: Դրանց շրջանակը փոքր չէ` գործուղումները, ներկայացուցչական ծախսերը, վերանորոգումները, ծառայողական մեքենաները և այլն:

Որոշ քայլեր մենք կձեռնարկենք արդեն այսօր: Այս կապակցությամբ հանձնարարում եմ ֆինանսների նախարարությանը և կառավարության աշխատակազմին մինչև կառավարության հաջորդ նիստը ներկայացնելու լրացուցիչ առաջարկություններ: Իսկ միջոցները, որոնք կառաջանան այդ խնայողություններից, կուղղվեն առաջնահերթ խնդիրների լուծմանը:

Երկրորդ: Պետական կառավարման ապարատը պետք է դառնա ավելի կոմպակտ: Դա, իհարկե, մեկ օրվա խնդիր չէ, սակայն մենք օպտիմալացման նպատակով պետք է մինչև 2017 թվականի բյուջետային քննարկումների մեկնարկը ունենանք մանրամասն վերլուծություն: Խոսքը ոչ միայն նախարարությունների աշխատակազմերի մասին է, այլ նաև տարբեր ՊՈԱԿ-ների, ԾԻԳ-երի, առընթեր մարմինների, առանձնացված ստորաբաժանումների»:

Հովիկ Աբրահամյանը նման հայտարարություն արեց 2016թվ մայիսի 12-ին: Մոտավորապես նույն տոնայնությամբ վարչապետը խոսեց տարևերջին.և միայն խոսեց: Եթե վարչապետը այսօրվանից պիտի սկսի, ինչպես ինքն է ասել, ապա պետք է մինչև երեկո փակվի կառավարության ՊՈԱԿ կոչվածը, որտեղ մի հսկայական խումբ է աշխատում միայն մոնիթորինգիր գծով: Այդ խումբը հետևում է, թե լրատվամիջոցները ինչպես են լուսաբանում ու մեկնաբանում Հովիկ Աբրահամյանի աշխատանքը:ՈՒ եթե Հովիկ Աբրահամյանը չսկսի կառավարության ՊՈԱԿ-ի օպտիմալացումից կստացվի որ ՝Հովիկ Աբրահամյանը իր աչքի գերանը թողած՝ ուրիշի աչքում փուշ է ման գալիս: