Շարմազանովը վտանգավոր է

Հայաստանի գիտությունների ազգային ակադեմիայի նախագահի պաշտոնը զբաղեցնող Ռադիկ Մարտիրոսյանը, Հայաստանում ռազմարդյունաբերության ծավալման, ընդլայնման արդիականացման վերաբերյալ հարցի համատեքստում հայտարարել էր, թե ռազմարդյունաբերական բնագավառում «ամեն քոսոտ երկիր» չի կարող դուրս գալ միջազգային ասպարեզ, քանի որ այնտեղ շատ լուրջ մրցակցություն է, եւ այդ երկրի քիթը կտրորեն: ԱԺ փոխնախագահ Էդուարդ Շարմազանովը լրագրողներից այսօր փորձել է պաշտպանել Ռադիկ Մարտիրոսյանին:

«Ես խնդրում եմ, որ մենք բոլորս մի քիչ հանդուրժող լինենք, որովհետև մենք այսօր ապրում ենք մի քիչ նյարդային պահեր: Ապրիլյան քառօրյա պատերազմից հետո մի քիչ նյարդային ենք, բերեք ներողամիտ լինենք, որևէ մեկս ապահովագրված չենք, որպեսզի նման էմոցիոնալ հայտարարություններ անենք» ,- ասաց Շարմազանովը:

Ապրիլյան դեպքերից կիլոմետրերով հեռու ,բայց ապրիլյան էմոցիաների տակ Շարմազանովը բոլորովին վերջերս որոշեց նյարդայնանալ ու ներողություն խնդրել Վլադիմիր Գասպարյանի փոխարեն: Հիմա էլ Շարմազանովը նյարդայնացել ու պաշտպանում է մի գիտնականի, ով արյան գնով պահվող երկրին «քոսոտ» է անվանում: Իրականում այն մարդիկ, ովքեր մտածում են, որ մենք «քոսոտ» ենք ու չենք կարող զարգանալ, դրանց պետք է մեկուսացնել և ուղարկել իսլամիստների մոտ, քանի որ այդ տեսակը խիստ վտանգավոր է ինչպես երկրի ներսում, այնպես էլ երկրից դուրս, այլապես սրանց հաջորդ քայլը կլինի ստեղծել նախաձեռնող խումբ ի պաշտպանություն օֆշորասերների ու օֆշորագետների: