Արցախյան պատերազմում զոհված ավիատորները

Ավելի քան քսան տարի, յուրաքանչյուր տարվա այս օրը մենք հիշում ենք արցախյան պատերազմի մեր փառավոր հաղթանակները: Հիշում ենք մեր ընկերներին, մարտի դաշտից չվերադարձած հերոսներին: Մենք հիշում ենք նրանց ամեն օր, սակայն այս օրը առիթ է տոնելու մեր հաղթանակը, պատվելու մեր փառահեղ հերոսների վառ հիշատակը: Ուզում եմ այսօր ևս մեկ անգամ հիշենք Արցախի ազատագրման համար իրենց կյանքը տված ավիատորների անունները, որոնց հիշատակը վառ են պահում նաև ավիացիայի ոլորտի աշխատակիցները:

1990 թվականի օգոստոսի 1-ին խոցված ՅԱԿ-40 ինքնաթիռի անձնակազմ՝

Արարատ Դալլաքյան (հրամանատար)
Ալեքսանդր Օգանեսյան (երկրոդ օդաչու)
Օնիկ Մանուկյան (երկրոդ օդաչու)
Ժորա Դավթյան (բորտմեխանիկ)

1991 թվականի հունիսի 14-ին խոցված ՄԻ-8 ուղղաթիռի անձնակազմ՝

Մուշեղ Անտոնյան (հրամանատար)
Կարեն Մարգարյան (երկրոդ օդաչու)
Ժորա Մինասյան (բորտմեխանիկ)

1992 թվականի սեպտեմբերի 29-ին խոցված ՄԻ-8 ուղղաթիռի անձնակազմ՝

Հրայր Կիրակոսյան (հրամանատար)
Էդուարդ Խաչիկյան (երկրոդ օդաչու)
Գառնիկ Դանիելյան (բորտմեխանիկ)

1993 թվականի ապրիլի 17-ին խոցված ՄԻ-8 ուղղաթիռի անձնակազմ՝

Ջամբուլատ Մուրադյան (հրամանատար)
Արամ Գրիգորյան (երկրոդ օդաչու)
Իոսիֆ Միքաելյան (բորտմեխանիկ)

և 1992 թվականի մարտի 3-ին խոցված ՄԻ-24 ուղղաթիռի անձնակազմ՝
Գուլյաեվ Վ.Մ. /հրամանատար/
Տերեխին Վ.Վ. /երկրորդ օդաչու/

Վերը նշված անձնակազմերը զոհվեցին շրջափակված Արցախին օգնություն հասցնելիս և մարտական գործողություններին մասնակցելիս:

Փառք ու պատիվ մեր հերոսներին:

Շնորհավորում եմ նաև բոլոր հայորդիներին, ովքեր իրենց հայրերի ու պապերի սխրանքին միավորելով շարունակում են իրենց ուժն ու եռանդը ներդնել հաղթանակի կերտման և հայրենիքի հզորացման գործում: Բոլորիս, մաղթում եմ առողջություն, տոնական բարձր տրամադրություն եւ խաղաղ երկինք: Շնորհավոր Մայիսի 9:

Նկարում՝ Ռաֆայել Գևորգյան, Խաչատուր Սմբատյան, Վալեռա Յազիջյան, Ստեփանակերտ, 1992 թվականի մայիսի 9