Oլիմպիական խաղերի մեկնարկին մնաց 89 օր

*Մարզական քառամյա ցիկլի գլխավոր իրադարձության՝ Ռիո դե Ժանեյրոյում կայանալիք 31-րդ ամառային օլիմպիական խաղերի մեկնարկին մնաց 89 օր:

*Օլիմպիական խաղերի բացման պաշտոնական արարողությունը կկայանա օգոստոսի 5-ին՝ Ռիո դե Ժանեյրոյի հանրահայտ «Մարականա» ստադիոնում:
205 երկրների շուրջ 10 հազար 500 մարզիկներ 17 օր կպայնքարեն մեդալների 306 հավաքածուների համար:
Կազմկոմիտեն օլիմպիական խաղերի նախապատրաստության համար ծախսել է $ 12 միլիարդ:
Խաղերում մասնակիցների, պատվիրակությունների անդամների, լրագրողների եւ մարզասերների անվտանգությունն ապահովելու է 47 հազար քաղաքացիական եւ 38 հազար ռազմական ոստիկան:

*Երեւանում՝ Կոմիտասի անվան պետական կոնսերվատորիայի հարակից այգում ՀԱՕԿ-ը տեղադրել է խորհրդանշական ժամացույց, որը հաշվում է՝ քանի օր, ժամ, րոպե եւ վայրկայն է մնում օգոստոսի 5-ին տրվելիք օլիմպիական խաղերի մեկնարկին:

*Հայաստանի մարզիկները մինչեւ այսօր նվաճել են օլիմպիական 22 վարկանիշ. ծանրամարտ՝ 7 (5 տղամարդ, 2 կին), ըմբշամարտ՝ 7 (4 հունահռոմեական ոճ, 3 ազատ ոճ), բռնցքամարտ՝ 4, սպորտային մարմնամարզություն՝ 3, ձյուդո՝ 1:

*Մայիսի 6-ին հունահռոմեական ըմբիշ, 59 կգ քաշային Ռոման Ամոյանը Ստամբուլում անցկացվող օլիմպիական խաղերի վերջին վարկանիշային մրցաշարի մեկնարկային գոտեմարտում պարտություն կրելով՝ բաց թողեց Ռիոյի ուղեգիր նվաճելու վերջին շանսը: Այսպիսով, Հայաստանը 31-րդ օլիմպիական խաղերում ներկայացված կլինի չորս հունահռոմեական ըմբիշով: