Գնդակն Ադրբեջանի դաշտում է. Շարմազանով

«Կառավարությունը դրական եզրակացություն է տվել արտգործնախարարության եզրակացությանը, իսկ այնտեղ գրված է, որ այս հարցի պատասխանը կախված է Հայաստանի և Ղարաբաղի ղեկավարությունների քննարկումներից՝ հաշվի առնելով հետագա զարգացումները, այդ թվում նաև` արտաքին գործոնները»:

Այս մասին այսօր ՀՀԿ Գործադիր մարմնի նիստից հետո հայտարարեց ՀՀԿ խոսնակ, ԱԺ փոխնախագահ Էդուարդ Շարմազանովը:

Մեջբերելով  նախագահ Սարգսյանի խոսքը, նա նկատեց, որ ՀՀ-ն կճանաչի Լեռնային Ղարաբաղը, եթե Ադրբեջանը սկսի պատերազմ: Միևնույն ժամանակ ՀՀԿ խոսնակը ընդգծեց, որ կողմանկից են հարցի խաղաղ կարգավորմանը և չեն սկսի պատերազ, բայց թե Ադրբեջանը փորձի ռազմական, ագրեսոր ճանապարհով լուծել Լեռնային Ղարաբաղի հիմնախնդիրը, եթե Ադրբեջանի իշխանությունները նոր պատերազմ հրահրեն Լեռնային Ղարաբաղի ազատատենչ ժողովրդի նկատմամբ, Հայաստանը կիրականացնի այն քայլերը, որոնց մասին խոսել էր ՀՀ նախագահը ամիսներ առաջԼ

«Հայաստանը Մինսկի խմբի համանախագահության ձևաչափով բանակցությունների շարունակման կողմնակից է, բայց հիմա գնդակն Ադրբեջանի դաշտում է: Իսկ սա նշանակում է, որևէ բանակցությունների մասին խոսելն այլևս անիմաստ է, եթե Ադրբեջանը գնում է դեպի պատերազմ: Իսկ եթե Ադրբեջանը գնում է դեպի պատերազմ նշանակում է, որ Ադրբեջանը մերժում են ՄԽ համանախագահության ձևաչափը»,-ասաց Շարմազանովը` հավելելով, որ այդ պայմաններում Հայաստանը կանի այն, ինչի մասին խոսել է ՀՀ Նախագահը: Եվ բոլորը դրա մասին կիմանան ՀՀ գերագույն գլխավոր հրամանատարից:

Շարմազանովն ընդգծեց նաև, որ նույնն է մնում Երևանի այն կարծիքը, որ բանակցությունների համար պետք է իրականացվի 3 քայլ: Վստահության մեխանիզմների ներդրում, ընդհուպ մինչև՝ հետաքննություն, հասցեական գնահատականներ և երաշխիքներ` միջազգային հանրության կողմից, որ Ադրբեջանը նոր ռազմական ագրեսիա չի սկսի:

ՀՀԿ խոսնակը նշեց, որ ՌԴ արտգործնախախար Սերգեյ Լավրովն արձագանքեց այս առաջարկներից 2-ին`հետաքննության և վստահության մեխանիզմների ներդրման մասով:

«Երեք առաջարկից երկուսին ՌԴ արտգործնախարարը դրական ազդակ է հղել»,-նկատեց ՀՀԿ խոսնակը: