Հողը, որտեղ չի ծաղկում Հերմինե Նաղդալյանի բիզնեսը՝ բուֆերային գոտի է

ԱԺ փոխխոսնակ Հերմինե Նաղդալյանը հանրությանը հայտնի դարձավ տարիներ առաջ, երբ ամուսնու՝ Դավիթ Բեգլարյանի հետ միասին կարողացան մի ողջ շենքի բնակիչների թողեն առանց տանիքի և բնակիչների տները պարզապես նրանց ձեռքից վերցրեցին:

Նշենք, որ Գևորգ Չաուշի 14/3 շենքից Դավիթ Բեգլարյանի և նրա տիկնոջ՝ Հերմինե Նաղդալյանի ձեռքում են գտնվում այն բնակարանները, որոնց առաջին գնորդները պարզապես քաղաքացիներ են, որոնք վճարել էին իրենց բնակարանի համար, սակայն ավելի ուշ պարզվում է, որ այդ բնակարաններն այլ սեփականատերեր ունեն:

Թե ինչպես է հաջողվել Հերմինե Նաղդալյանին և նրա ամուսնուն պարզապես քցել բնակարանների սեփականատարերին՝ մինչև այժմ էլ քննարկվում է: Այդ բնակարանների սեփականետերերի մի մասն արդեն Հայաստանում չէ՝ արտագաղթեցին, որ անտանիք չմնան:

Իսկ ինչ վերաբերում է շենքին, ապա, ըստ մամուլի հրապարակումների, Գևորգ Չաուշի 14/3 շենքի բնակարաննեը ձևակերպվել են Դավիթ Բեգլարյանի հարազատների անուններով: Այսպես, վիճարկելի բնակարանների սեփականատերեր են հանդիսացել մայրը՝ Օֆելյա Ստեփանյանը, որդին՝ Հրանտ Աբաջյանը, դուստրը՝ Նարե Բեգլարյանը, կինը՝ Հերմինե Նաղդալյանը, քենին՝ Գայանե Նաղդալյանը, զոքանչը՝ Ռիմիկ Նաղդալյանը, վարորդները՝ Գրիգոր Հարությունյանն ու Հրաչյա Հովհաննիսյանը, վերջինիս աղջիկը՝ Լիանա Հովսեփյանը, մորաքրոջ որդին՝ Գագիկ Նազարյանը, վերջինիս կինը՝ Նարինե Գալստյանը, հարևանը՝ Մարտիկ Թավաքալյանը, հարևանուհին՝ Գոհար Սարատիկյան և ինքը` Դավիթ Բեգլարյանը:

Ինչ հեշտությամբ Հերմինե Նաղդալյանը կարողացավ քցել Գևորգ Չաուշի 14/3 շենքի բնակիչներին, նույն թեթևությամբ էլ հայտարարել է «մենք այդ հողերը չենք ուզում», խոսքը ազատագրված տարածքների մասին է:

Այս արտահայտությունից հետո հետևեցին տարբեր մեկնաբանություններ Հերմինե Նաղդալյանի հասցեին, սկսած նրա ունեցվածքից, պետական միջոցներից սնվող ընկերություններից, մինչև քաղաքական անհասկանալի կարիերան:

Նման քաջագործությունների շնորհիվ Հերմինե Նաղդալյանը ձեռք է բերել բնակարաններ, բաժնեմասեր, գույք, հողամասեր, տոկոսներ փոխառություններից, շահաբաժիններ և այլն:

Հերմինե Նաղդալյանի դրամական միջոցները վերջին հայտարարգրերի համաձայան կազմում են հինգ հազար ԱՄՆ դոլար և 32 միլիոն դրամ։ Նախորդ տարվա ընթացքում նա ստացել է ութ միլիոն 667 հազար 990 դրամ աշխատավարձ, իսկ շահաբաժինն էլ կազմել է 38 միլիոն 528 հազար դրամ։

Ինչպես ժամանակին Նաղդալյանը բնակիչներին տնազուրկ դարձրեց, այնպես էլ ազատագրված տարածքները կարող է թեթևությամբ հանձնել. պարզապես քցելը սովորություն է: Գևորգ Չաուշի 14/3 շենքի բնակիչների կողոպտելուց Նաղդալյանների ընտանիքը բնակարաններ ստացավ, իսկ այնտեղ, որտեղ Նաղդալայնները բնակարան չունեն, հեշտությամբ կարող են զիջել հողերը, նրանք այնտեղ բնակարաններ չունեն: