Մեր ամեն մի տղա առյուծ է, բայց առյուծն ինչ է, եթե դիմացը զենքով են կանգնած. (տեսանյութ)

Էնքան հպարտ էինք, էնքան լավ էին զգում մեզ, որ ունենք հզոր բանակ:

Newspress.am-ի հետ զրույցում ասաց գուսան Հայկազունը՝ հիշելով, որ միշտ լսել են երկրի նախագահից, թե տարածաշրջանում մենք ունենք ամենալավ սպառազինությունն ու ամենահզոր բանակը:

«Ով խոսում էր, ասում էր տարածաշրջանի ամենհզոր բանակն է ու հանկարծ մի քանի օրվա մեջ պարզվեց, որ մենք զենքով թույլ ենք մեր հակառակորդից: Սա մեր իշխանության սխալ քաղաքականության արդյունքն է»,-ասում է Հայկազունը՝ նկատելով, որ վաղուց գնված զենքն ու տեխնիկան դեռ Հայաստան չի հասել:

«Ոչ միայն պաշտպանության նախարարությունը, այլ բոլոր պաշտոնատար անձիք կերան այդ փողերը: Էսօր մեզ զենք է պետք, ժողովուրդը էդ պատշոնյաներից ու օլիգարխներից պետք է պահանջի էդ փողերը, որ իրենց համար դղյակներ են կառուցել»,-ասում է Հայկազունը:

Նա նկատում է, որ իր երգերի մեջ էլ խոսում, թե հողը այրունով են պահում, սակայն նկատում է նաև, որ պետք է սպառազինել այդ հողը պահողներին, քանի որ թույլերին ոչ-ոք չի սիրում:

«Ինչքան կարող ենք երեսներս դեմ տալ սրան ու նրան, խնդրել միջազգային հանրությանը: Մեզ ուժ է պետք. մեր բանակի տղաների ոգին բարձր է, ես իրանց ցավը տանեմ, բոլոր սահմանային կետերում մենք դա տեսել ենք: Մեր ամեն մի տղա առյուծ է, բայց առյուծն ինչ է, եթե դիմացը ճանկերով ու զենքով են կանգնած»,-ասում է Հայկազունը:

Հիշեցնենք, որ գուսան Հայկազունը Արտաշատի երկրապահ ջոկատում մասնակցել է Արցախյան պատերազմին: Մարտական գործողությունները սկսել է Երասխ գյուղից, ապա Գետաշեն, Կապան, Գորիս, Բերդաձոր:

Գուսանը հեղինակել է մոտ 100 հայրենասիրական երգեր՝ այդ թվում նաև «Հայեր, միացեք», «Գետաշեն», «Հպարտ գնացեք», «Պիտի գնանք վաղ թե ուշ», որոնք հայտնի են ոչ միայն մեզ, այլև աշխարհասփյուռ հայությանը:

Մանրամասները՝ տեսանյութում