Ռուսաստանից գնված 200 մլն դոլարի զենքը Հայաստան է գալիս, բայց Հայաստան չի հասնում

Հայաստանը Ռուսաստանից 200 մլն դոլարի զենք է գնել, որը դեռ տեղ չի հասել: Մամուլում տեղեկություններ կային, որ Սեյրան Օհանյանն ասել է, «Պայմանավորվածությունները ձեռք են բերված, հիմա աշխատանք է տարվում պայմանագրերի ստորագրման ուղղությամբ: Նախնական պայմանագրերը համաձայնեցված են, բայց հիմա, ելնելով այն բանից, որ վարկի տրամադրման վերջնական որոշումը (իրենց տեխնիկական պայմանագրերով ու համապատասխան բնութագրերով) նոր է ընդունվել, հիմա դրանք ճշտվում են, որպեսզի աշխատանքներն ավելի արագ ընթացք ստանան: Այդ աշխատանքների մի մասը, նախնական պայմանավորվածության համաձայն, արդեն կատարվում էր»:

Հիշեցնենք, որ Ռուսաստանը Հայաստանին 200 մլն դոլարի չափով վարկ էր տրամադրել` ռուսական զենք գնելու համար: Վարկը տրամադրվել է 10 տարի ժամկետով` մարումների արտոնյալ ժամանակահատված սահմանելով 2018 թվականը, այն պետք է օգտագործի մինչև 2017 թվական:

200 մլն դոլար վարկի տրամադրման վերաբերյալ համաձայնագիրը Երևանում կնքվել է 2015թ-ի հունիսի 26-ին՝ ՀՀ և ՌԴ միջև տնտեսական համագործակցության միջկառավարական հանձնաժողովի 16-րդ նիստի ժամանակ:

ՀՀ Ազգային ժողովում 2015 թ-ի հուլիսի խորհրդարանական քննարկումների ժամանակ ընդգծվել է, որ Հայաստանը սպառազինությունը գնելու է արտոնյալ պայմաններով, քանի որ Հայաստանի ու Ռուսաստանի միջև գործում է ռազմատեխնիկական համագործակցության համաձայնագիր, որը կնքվել է դեռևս 2013-ի հունիսի 25-ին: Հետագայում երկու երկրներն էլ վավերացրել են պայմանագիրը։

Իսկ թե մինչև հիմա ինչու լուրջ քայլեր չի արվել,  ու ոչ միայն չի արվել, ավելին, ինչպես Սեյրան Օհանյանն է ասել`բերված, հիմա աշխատանք է տարվում պայմանագրերի ստորագրման ուղղությամբ:

Արդյոք ենթադրվում էր, որ բարի Ադրբեջանը կսպասի մինչև ռուսական զենքը բերեն Հայաստան և նոր սկսի լայնածավալ հարձակումը ողջ շփման գծով:
Չնայած եղած զենքով գումարած հայ զինուժի հոգեկերտվածքի բոլոր գերադիր առավելություններն, այսօր արդեն Ադրբեջանի արտաքին գործերի նախարար Էլմար Մամեդյարովն պաշտոնական նամակով դիմել է ՄԱԿ-ի Գլխավոր քարտուղար Բան Կի Մունին, Անվտանգության խորհրդի նախագահ Լյու Ցզեյին և ԵԱՀԿ Մշտական խորհրդի նախագահ Պոլ Էբերհարդին` կոչ անելով միջազգային հանրությանը հստակ պահանջ ներկայացնել Հայաստանին` «հարգել միջազգային իրավունքի նորմերը»:

Իսկ 200 մլն դոլարի վարկով գնված զենքի պարագայում, ադրբեջանցիները կխնդրեն, որ զինադադար ստորագրվի: