Հերիք չի բան չեն անում, մի հատ էլ 20.000 տուգանում են. (տեսանյութ)

«Տրանսպորտի նախարարությունը ամեն տարի հենց այսպիսի մի դեպք ա լինում, ասում ա` մենք պատրաստել ենք նոր նախագիծ, կատարվելու են փոփոխություներ և այն ինչ կատարվում է՝ այլևս չի կատարվի: Ամեն տարի ասում են բայց չեն անում»,-այս մասին լրագրողների հետ հանդիպման ժամանակ ասաց «Աքիլես» ավտովարորդների իրավունքների պաշտպանության կենտրոն ՀԿ նախագահ Էդուարդ Հովհաննիսյանը՝ անդրադառնալով մեքենաների տեխզննման խնդրին:

«Վերջին երեք-չորս տարիներին չունենք փաստացի տեխզննում, բայց ունենք թղթի վրա, այսինքն դա նշանակում է, որ թեթև մարդատար մեքենաների ութ հազար դրամ արժողությամբ տեխզննումը պետք է անցնեն բոլոր մեքենաները: Ունենք նաև 400-500 տրանսպորտային միջոց, որոնց տեխզննումից ստացված գումարը, տարվա կտրվածքով, կազմում է մոտավորապես 8 մլն դոլար: Սա գնում է ուղղակի բյուջե՝ առանց ոչ-մի բան անելու: Այսինքն գումար է հավաքվում, որը բյուջեով չկա, բայց գնում է բյուջե»,- նշեց Հովհաննիսյանը:

Իսկ մյուս հյուրը՝ «Սպառողների խորհրդատվական կենտրոնի» ՀԿ նախագահ Կարեն Չիլինգարյանը նկատեց, որ տրանսպորտը խայտառակ վիճակում է.
«Կանգառներին մոտենում ես, տեսնում ես՝ երթուղի չկա և հանկարծ բոլորը միասին գալիս են ու կանգառներում խցանումներ են առաջանում: Այդ հարցը պետք է կարգավորվի, սակայն ոչինչ չի ձեռնարկվում»:

Մանրամասները` տեսանյութում