Սիրելի գործընկերուհի բարձր ձայնը չի ավելացնում ձեր հմայքը. Նաղդալյանը` Փոտանջյանին

Այսօր՝ ապրիլի 25-ին Աժ քառօրյա նիստի ժամանակ ԱԺ փոխխոսնակ Հերմինե Նաղդալյանը կոչ արեց խորհրդարանական ընդդիմությանն անհիմն հայտարարություններ անել և ջուր լցնել հակառակորդի ջրաղացին:

Ինչին Ժառանգություն խմբակցության պատգամավոր Զարուհի Փոստանջյանն արձագանքեց. «Պետք է կույր լինես, համր լինես, կամ խուլ լինես, որպեսզի չզգաս, որ մենք նոր իրողության մեջ ենք ապրում: Ասել, որ Մինսկի խումբը հնարավորություն ունի զսպել Ադրբեջանի կողմից սկսած ագրեսիան, միամտություն կլինի: Մենք խնդիր ունենք հավաքվելու և քննարկելու. կան պաշտոնյաներ որոնց մենք պահանջ ունենք ներկայացնելու»,-ասաց Փոստանջյանը:

Նրա խոսքով՝ այսօր ոչ-ոք որպես պահանջատեր հանդես չի գալիս և մեղադրանքեր չի ներկայացնում ադրբեջանական ագրեսիայի դեմ: Փոստանջյանը նկատեց, որ միայն հայտարարություններով դատապարտումը քիչ է:

«Ո՞վ չգիտի, որ տարածքների զիջման հարց է գնում, և այդ տարածքներում ուզում են խաղաղապահ զորքեր տեղակայել: Ինչո՞ւ այս հարցը չի քննարկվում… ով այս հարցը չի ուզում բարձրաձայնել, հենց նա էլ Ադրբեջանի ջրաղացին ջուր է լցնում»,- նկատեց պատգամավորը:

ԱԺ փոխնախագահը արձագանքեց. «Սիրելի գործընկերուհուս ուզում եմ ասել, որ ինչպես Շարմազանովն է մի առիթով ասել Նաիրա Զոհրաբյանին, հիմա դա Ձեզ էլ է վերաբերում. սիրելի Զարուհի Փոստանջյան բարձր ձայնը չի ավելացնում ձեր հմայքը: Ես իշխանության մեջ որևէ մեկին հանցագործ համարելու արգումենտ չեմ տեսնում: Որևէ մեկը մտադրություն չի ունեցել տարածքներ հանձնել կամ խաղապահներ տեղակայել: Խաղաղությունը պարտադրվում է մեր բանակի ուժով»,-ասաց Նաղդալյանը՝ հավելելով, թե պետք չէ բաց դուռը ջարդելով ներս մտնել: