Մարգարիտ Բարանկիցեն հռչակվեց «Ավրորա» մրցանակի դափնեկիր

Նախօրեին Երևանում ավարտվեց «Ավրորա» մրցանակաբաշխությունը, 4 հավակնորդներից մրցանակին արժանացավ Մարգարիտ Բարանկիցեն (Բուրունդիի Խաղաղության Տուն (Maison Shalom) խնամքի տուն և REMA հիվանդանոց):

Նա բացառիկ ազդեցություն է ունեցել Բուրունդիի քաղաքացիական պատերազմի տարիներին՝ հազարավոր կյանքեր փրկելով և խնամելով որբերին ու փախստականներին։

Մարգարիտ Բարանկիցեին «Ավրորա» մրցանակը հանձնեց ընտրող հանձնաժողովի համանախագահ Ջորջ Քլունին:

Որպես «Ավրորայի» դափնեկիր Բարանկիցեին շնորհվելու է 100.000 ԱՄՆ դոլարի պարգև, իսկ դափնեկիրն ինքը շարունակելու է նվիրատվության շղթան՝ ուղղորդելով 1,000,000 ԱՄՆ դոլարի դրամաշնորհն այն կազմակերպություններին, որոնք ոգեշնչել են իրեն՝ գործելու։ Մարգարիտ Բարանկիցեն նախատեսում է նվիրատվություն ուղղել երեք կազմակերպությունների՝ մարդասիրական օգնության, որբերին խնամելու և երեխաների աղքատության դեմ պայքարելու նպատակով: Դրանք են՝ Fondation du Grand-Duc et de La Grande-Duchesse du Luxembourg (Լյուքսեմբուրգի Մեծ Դքսի և Մեծ Դքսուհու հիմնադրամ), Fondation Jean-François Peterbroeck («Ժան-Ֆրանսուա Պետերբրոկ» հիմնադրամ) և Fondation Bridderlech Deelen Luxembourg («Բրիդերլեխ Դելեն» հիմնադրամ):

Նշենք, որ Մարգարիտ Բարանկիցեի 7 երեխաներին սպանել են նրա աչքի առաջ, որից հետո նա փրկել է շուրջ 30 000 երեխաների կյանքը և իրեն նվիրել երեխաների փրկությանը: