Ֆրանսիայում ոստիկաններին զենք կիրառելու ավելի լայն իրավական պաշտպանություն են տրամադրում
Ֆրանսիայի Սենատը վերջնականապես ընդունել է օրինագիծ, որով ոստիկանության և ժանդարմերիայի աշխատակիցների կողմից հրազենի կիրառումը համարվում է իրավաչափ, քանի դեռ հակառակը չի ապացուցվել։
Ինչպես հայտնում է Agence France-Presse-ը, փաստաթղթին կողմ է քվեարկել 205 սենատոր, դեմ՝ 110-ը։
Նախաձեռնությունը ներկայացրել էր կենտրոնամետ աջակողմյան «Հանրապետականներ» կուսակցության պատգամավոր Էրիկ Պոժեն։ Ավելի վաղ օրինագիծը հավանության էր արժանացել Ազգային ժողովում։ Դրան աջակցել էին կառավարությունը, կենտրոնամետ ուժերի զգալի մասը և աջակողմյան «Ազգային միավորում» կուսակցությունը։
Փաստաթղթի համաձայն՝ ոստիկանության և ժանդարմերիայի աշխատակիցները հրազեն կիրառելիս կհամարվեն օրենքի շրջանակում գործող, քանի դեռ հակառակը չի ապացուցվել։
Ֆրանսիայի ներքին գործերի նախարար Լորան Նունյեսը ողջունել է խորհրդարանի որոշումը՝ այն համարելով ոստիկանության և ժանդարմերիայի աշխատակիցների նկատմամբ վստահության արտահայտություն։ Նրա խոսքով՝ օրենքը իրավապահներին կապահովի նրանց աշխատանքի իրական պայմաններին համապատասխան իրավական հիմքերով։