Սահմանադրության փոփոխությունից հետո խաղաղության պայմանագրի ստորագրումը մի քանի օրվա հարց է․ Սիմոնյան
Ադրբեջանի հետ խաղաղության պայմանագրի ստորագրումը կարող է տեղի ունենալ Հայաստանի Սահմանադրության փոփոխությունից հետո՝ հաշված օրերի ընթացքում։ Այս մասին Հանրային հեռուստատեսությանը տված հարցազրույցում հայտարարել է Անվտանգության խորհրդի քարտուղար Ալեն Սիմոնյանը։
Նրա խոսքով՝ Ադրբեջանի ներկայացուցիչները բանակցությունների ընթացքում Սահմանադրության փոփոխությունը չեն ներկայացնում որպես ուղիղ պահանջ՝ նշելով, որ դա Հայաստանի որոշելիքն է։ Միևնույն ժամանակ, ըստ Սիմոնյանի, Բաքուն կարևորում է այդ հարցի լուծումը խաղաղության պայմանագրի ստորագրման համար։
Ալեն Սիմոնյանը նաև նշել է, որ Հայաստանի համար կարևոր է հստակեցնել սեփական քաղաքական օրակարգը՝ հաշվի առնելով «Ջավախքի, Արևմտյան Հայաստանի և Լեռնային Ղարաբաղի վերաբերյալ պատկերացումները, ինչպես նաև հասկանալ, թե որտեղից է սկսվում և որտեղ ավարտվում Հայաստանի Հանրապետությունը, և ինչ բովանդակություն ունի Անկախության հռչակագիրը»։