«Խաղաղությունն այլընտրանք չունի, բայց մեզ պետք է ներքին խաղաղություն՝ առանց Փաշինյանի»․ Թանդիլյան
«Ապրելու երկիր» կուսակցության նախագահ Մանե Թանդիլյանը գրել է․
«Նիկոլ Փաշինյանը մի ամբողջ հինգ տարի ուներ Սահմանադրության փոփոխություններն ԱԺ-ում հաստատելու և հանրաքվեի դնելու։
Նիկոլ Փաշինյանը վստահ է եղել, որ ժողովուրդը դեմ է լինելու Ադրբեջանի պահանջով Սահմանադրության փոփոխությանը, հետևաբար խորհրդարանական ընտրություններից առաջ չի գնացել քաղաքական ինքնասպանության։
Իսկ հիմա, երբ արդեն չունի անհրաժեշտ մեծամասնություն, իր հերթական ձախողումը գցում է ընդդիմության, առաջիկայում նաև ժողովրդի վրա։
Խաղաղությունն այլընտրանք չունի, և այն ամրացնելու համար մեզ պետք է ներքին խաղաղություն առանց Նիկոլ Փաշինյանի և իր թիմի»։