Պակիստանի անվտանգության ուժերը Աֆղանստանի սահմանին ոչնչացրել են 22 զինյալի
Պակիստանի անվտանգության ուժերը երկրի հյուսիս-արևմուտքում՝ Աֆղանստանի սահմանին մոտ, իրականացված գործողությունների ընթացքում ոչնչացրել են 22 զինյալների։
Այդ մասին ասվում է Պակիստանի բանակի հայտարարության մեջ։
Զինվորականների տվյալներով՝ վերջին 48 ժամվա ընթացքում հետախուզական տվյալների հիման վրա զինյալների թաքստոցների ուղղությամբ իրականացվել են գործողություններ Խայբեր Պախտունխվա նահանգի Հարավային Վազիրիստան, Բաննու և Թանկ շրջաններում։ Զինյալները ոչնչացվել են ծավալված փոխհրաձգությունների ընթացքում։
Պակիստանի զինվորականների հայտարարության մեջ նաև պնդվում է, որ ոչնչացված զինյալներն օգտվել են հարևան Հնդկաստանի աջակցությունից։ Նյու Դելին դեռևս չի մեկնաբանել այդ մեղադրանքները։
Ներկայումս շարունակվում է տարածքի մաքրումը՝ մնացած զինյալներին հայտնաբերելու նպատակով։ Զինվորականները նշել են, որ շարունակելու են արտերկրից աջակցություն ստացող ահաբեկչական գործունեության կանխմանն ուղղված գործողությունները։