Կառավարությունը Երևանի պետական համալսարանի ռեկտորի պաշտոնում հաստատեց Հովհաննես Հովհաննիսյանին
Կառավարությունը նիստում քննարկվող վերջին նախագծով Երևանի պետական համալսարանի (ԵՊՀ) ռեկտորի պաշտոնում հաստատեց Հովհաննես Հովհաննիսյանին։ Վերջինս կշարունակի կառավարել բուհը։
Հարցը զեկուցող ԿԳՄՍ փոխնախարարը տեղեկացրեց, որ ռեկտորի ընտրություններում Հովհաննիսյանը եղել է միակ թեկնածուն։
Նա համալսարանի ռեկտորն է եղել նախորդ շուրջ 5 տարիներին։ Մինչև ռեկտոր ընտրվելը մի քանի ամիս եղել է ԵՊՀ ռեկտորի ժամանակավոր պաշտոնակատարը, իսկ այդ պաշտոնում նշանակվել է «Իմ քայլը» դաշինքի ցուցակով Ազգային ժողովի պատգամավոր ընտրվելուց հետո։
Հովհաննիսյանը շնորհակալություն հայտնեց Նիկոլ Փաշինյանին, բուհի խորհրդի նախագահ Սուրեն Պապիկյանին, ՔԿ-ին և խոստացավ արդարացնել նրանց վստահությունը։