Ադրբեջանն ակնկալում է Հայաստանից տեղեկություններ զանգվածային գերեզմանների վերաբերյալ. Հիքմեթ Հաջիև
Ադրբեջանը շարունակում է Հայաստանից ակնկալել ավելի քան 200 զանգվածային գերեզմանների տեղակայման վայրերի վերաբերյալ տեղեկություններ, ինչպես նաև 2020-2023 թվականներին նախկին շփման գծի երկայնքով տեղադրված ականապատ դաշտերի քարտեզները։
Այյս մասին «X» սոցիալական ցանցում գրել է Ադրբեջանի նախագահի օգնական, նախագահի աշխատակազմի արտաքին քաղաքականության հարցերով բաժնի ղեկավար Հիքմեթ Հաջիևը։
Նրա խոսքով՝ խոսքը վերաբերում է նախկին շփման գծի երկայնքով տեղադրված ականապատ դաշտերին, որոնք ձգվում են ավելի քան 440 կմ երկարությամբ և 2 կմ խորությամբ։
«Այս ականները շարունակում են հանգեցնել խաղաղ բնակիչների զոհվելու և վիրավորվելու դեպքերի», - նշել է Հաջիևը։
Նախագահի օգնականն ընդգծել է, որ ականային սպառնալիքից բացի՝ անհետ կորածների խնդիրը շարունակում է մնալ պատերազմի ամենածանր մարդասիրական հետևանքներից մեկը։
«Այսօրվա դրությամբ Ադրբեջանի 4010 քաղաքացի համարվում է անհետ կորած։ Հայտնաբերվել է 32 զանգվածային գերեզման։ Մնացորդների որոնման և նույնականացման աշխատանքները շարունակվում են», - գրել է Հաջիևը։
Նրա խոսքով՝ այդ տեղեկությունների տրամադրումը կարևոր քայլ կլինի վստահության ամրապնդման, անցումային արդարադատության ապահովման և Հարավային Կովկասում կայուն խաղաղության հաստատման գործում իրական ներդրում ունենալու համար։