Թրամփը, Սի Ծինփինը և Պուտինը Շենչժենում սկսել են եռակողմ հանդիպումը
Շենչժենում մեկնարկել է ԱՄՆ-ի, Չինաստանի և Ռուսաստանի առաջնորդների՝ Դոնալդ Թրամփի, Սի Ծինփինի և Վլադիմիր Պուտինի եռակողմ հանդիպումը։ Այն երեք պետությունների ղեկավարների առաջին պաշտոնական հանդիպումն է նման ձևաչափով։
Բանակցություններն ընթանում են Ասիա-խաղաղօվկիանոսյան տնտեսական համագործակցության (ԱԽՏՀ) գագաթնաժողովի շրջանակում։
Ակնկալվում է, որ օրակարգի հիմնական թեմաները կլինեն միջազգային անվտանգությունն ու միջուկային զինաթափումը։ Բացի այդ, առաջնորդները կարող են անդրադառնալ Իրանի շուրջ ստեղծված իրավիճակին, Ուկրաինայում ընթացող պատերազմին և առևտրատնտեսական համագործակցության հեռանկարներին։
Ավելի վաղ ԱՄՆ նախագահ Դոնալդ Թրամփը հայտարարել էր միջուկային զինանոցների կրճատման հարցը քննարկելու մտադրության մասին։ Վաշինգտոնում ևս նշել էին, որ բանակցությունների թեմաներից մեկը կլինի Իրանի շուրջ ստեղծված իրավիճակը։
Այսօր կայացել են նաև Թրամփի առանձին հանդիպումները Սի Ծինփինի և Պուտինի հետ։ Առաջնորդները գոհունակություն են հայտնել բանակցությունների արդյունքներից։
Եռակողմ բանակցությունների համար նախատեսված է մեկ ժամ։