Ի՞նչ փոխզիջումների մասին է խոսքը, այդպիսի բան չի քննարկվել Լավրովի այցելության ժամանակ. Շավարշ Քոչարյան

«Բանակցություններում որեւէ գաղտնի բան չկա»,- Ծիծեռնակաբերդում հայտարարեց ԱԳ նախարար Էդվարդ Նալբանդյանը:

Ըստ նրա, բանակցություններին լուրջ վնաս է հասցվել Ադրբեջանի կողմից ռազմական լայնածավալ գործողություններով. «Պետք է համատեղ միջազգային հանրության, եռանախագահների հետ ջանքեր գործադրենք, որ այդ հարվածը, որը հասցվել էր խաղաղ կարգավորմանը, հնարավոր լինի հաղթահարել: Չնայած շատ դժվար է հաղթահարել, որովհետեւ կան զոհեր, իսկ դա անվերականգնելի է, միջազգային հանրությունը դրանով է զբաղված, որ հնարավոր լինի Ադրբեջանին կարգի հրավիրել ու բերել կառուցողական դաշտ, որ հնարավոր լինի բանակցությունները շարունակել, որովհետեւ բանակցություններին որեւէ այլ վտանգ չկա:

Շինծու ինչ-որ հարցեր, ինչ-որ բաներ տարածել պետք չէ: Ասեկոսեների հիման վրա եզրակացություններ անելու իմաստ էլ չկա: Լավրովը հայտարարեց, որ այսօր ջանքերը պետք է ուղղված լինեն հետաքննության մեխանիզմի ստեղծմանը, այլ միջոցների հայթայթմանը, որ կայունություն ստեղծվի, որ ապահովվի անվտանգությունը տարածաշրջանում, հնարավոր լինի ավելի հարմար նպաստավոր պայմաններում բանակցությունները շարունակել: Լավրովը առաջարկների փաթեթ չի բերել»:

Պատասխանելով այն հարցին, թե ինչ փոխզիջումների մասին է խոսվում վերջին օրերին, փոխարտգործնախարարը նշեց.  «Ի՞նչ փոխզիջումների մասին է խոսքը, այդպիսի բան չի քննարկվել Լավրովի այցելության ժամանակ»: