ԱՄՆ-ն մտադիր է Իրանի հետ կնքել երկարաժամկետ համաձայնագիր. Թրամփ
ԱՄՆ նախագահ Դոնալդ Թրամփը հայտարարել է Իրանի հետ երկարաժամկետ համաձայնագիր կնքելու մտադրության մասին, որը կպաշտպանի Վաշինգտոնի շահերը նույնիսկ իշխանափոխությունից հետո։
«Ես ցանկանում եմ երկարաժամկետ համաձայնագիր… Եթե մենք վատ նախագահ ունենանք, թույլ նախագահ, ես ցանկանում եմ համաձայնագիր, որը կփոխարինի նրան»,- ասել է Թրամփը Fox News հեռուստաալիքին տված հարցազրույցում։
ԱՄՆ-ն և Իսրայելը փետրվարի 28-ին սկսել են հարվածներ հասցնել Իրանի տարածքում գտնվող օբյեկտներին, ինչին ի պատասխան իրանական կողմը նույնպես հարվածներ է հասցրել։ Չնայած հակամարտության ընթացքում որոշակի դադար է նկատվում, այն դեռևս կարգավորված չէ, և ռազմական գործողությունների վերսկսման վտանգը պահպանվում է։