Գևորգ Պապոյանը մեկնում է Մոսկվա
Էկոնոմիկայի նախարար Գևորգ Պապոյանը նոյեմբերի 18-19-ը գործուղվելու է Ռուսաստանի Դաշնություն: Համապատասխան որոշումը նոյեմբերի 17-ին հրապարակվել է էլեկտրոնային կառավարման e-gov.am հարթակում։
Վարչապետի որոշման համաձայն՝ Պապոյանը Մոսկվայում կմասնակցի Եվրասիական տնտեսական միության արտաքին քաղաքականության հարցերի և ազգային արժույթներով հաշվարկների առաջնահերթ ուղղությունների վերաբերյալ խորհրդակցություններին:
Գործուղումից վերադառնալուց հետո Գևորգ Պապոյանը եռօրյա ժամկետում պետք է այցի արդյունքների վերաբերյալ հաշվետվություն ներկայացնի։
Այցը տեղի է ունենում երկու երկրների տնտեսական հարաբերություններում առկա լարվածության պայմաններում: Մոսկվան գարնանից արգելել է հայկական գյուղմթերքի, ծաղիկների, մի քանի տեսակ խմիչքների և այլ ապրանքների ներմուծումն ու արտահանումը ԵԱՏՄ տարածքով: