Պուտինի, Թրամփի և Սի Ծինփինի հանդիպման մի մասը կանցկացվի բաց ձևաչափով. Պեսկով
Ռուսաստանի նախագահ Վլադիմիր Պուտինի, ԱՄՆ նախագահ Դոնալդ Թրամփի և Չինաստանի նախագահ Սի Ծինփինի հանդիպման մի մասը Ասիա-խաղաղօվկիանոսյան տնտեսական համագործակցության գագաթնաժողովի շրջանակում բաց կլինի լրատվամիջոցների ներկայացուցիչների համար։
Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Սա շատ կարևոր հանդիպում է, որն իսկապես ժամանակակից աշխարհում նմանը չի ունեցել»,– ընդգծել է Կրեմլի ներկայացուցիչը։
Նա հավելել է, որ եռակողմ հանդիպման հիմնական թեմաներն արդեն համաձայնեցված են։ «Մենք չենք շտապի առաջ ընկնել իրադարձություններից։ Հանդիպման ընթացքում որոշ հարցեր կքննարկվեն նաև ինքնաբուխ կերպով»,– նշել է Պեսկովը։
Նրա խոսքով՝ Պուտինի և Թրամփի երկկողմ հանդիպման հստակ ժամը դեռ որոշված չէ, և դիտարկվում են մի քանի տարբերակներ։
Նշենք, որ ԱԽՏՀ գագաթնաժողովը կանցկացվի նոյեմբերի 18-19-ը Չինաստանի Շենչժեն քաղաքում։ Դոնալդ Թրամփը հայտարարել էր, որ եռակողմ հանդիպման ընթացքում կողմերը կքննարկեն Ուկրաինայի շուրջ ստեղծված իրավիճակը, Իրանի հարցը, ինչպես նաև միջուկային զինաթափման թեման։