ԱՄՆ-ում Հելոուինի երեկույթների ժամանակ հրաձգությունների հետևանքով կա 76 զոհ և հարյուրավոր վիրավորներ

ԱՄՆ-ում Հելոուինի տոնական հանգստյան օրերին հրազենային վնասվածքներ է ստացել ավելի քան 200 մարդ, որոնցից առնվազն 76-ը մահացել են։ Այս մասին են վկայում վերլուծաբանների տվյալները։ Տեղերում աշխատող իրավապահները «ՌԻԱ Նովոստի»-ին հայտնել են, որ տոնական երեկույթներից մի քանիսն ավարտվել են մարդկանց զանգվածային հոսպիտալացմամբ։

ԱՄՆ-ում Հելոուինը լայնորեն է նշվում՝ կազմակերպելով քաղաքային շքերթներ և զանգվածային զգեստավորված միջոցառումներ։

Վերլուծաբանների և լրատվամիջոցների տվյալներով՝ միջադեպերի մասին առաջին հաղորդումները ուրբաթ առավոտյան ստացվել են Թենեսի նահանգից․ դեռահասը ատրճանակ է բերել ավագ դպրոց։ Տուժածներ չեն եղել, սակայն նրան մեղադրանք է առաջադրվել զենքն ապօրինի պահելու համար։

Չիկագոյի հարավային թաղամասերից մեկում վեճի ժամանակ գնդակահարել են 35-ամյա տղամարդու։ Դեպքի վայրից արված կադրերում երևում է Հելոուինի առթիվ վառ զարդարված առանձնատունը։

Միսսուրի նահանգի փոքր քաղաքներից մեկում բնակարանում կազմակերպված երեկույթի ժամանակ ծագած վեճն ավարտվել է հրաձգությամբ․ 22-ամյա երիտասարդը հրազենով վիրավորել է 18-ամյա պատանու։

Միջադեպերի ցանկում ներառված են նաև ընտանեկան բռնության դեպքեր, որոնց ընթացքում կիրառվել է հրազեն։