Ի՞նչն է ձեր համար խոչընդոտ հանդիսացել, որ մի դիմում էլ չեք գրում «Վեոլիա Ջուր»-ի հետ կապված. Դավիթ Ղազինյանը՝ ՏԿԵ նախարարին

«Պետգույքի կառավարման և Ջրային կոմիտեն բազմաթիվ անգամ ֆուտբոլի գնդակի պես այս  ու այն կող են տարել»,- «Կառավարության գործունեության և կառուցվածքի մասին» օրենքում լրացումներ և փոփոխություններ կատարելու մասին նախագծի քննարկման ժամանակ ասաց «Ույժեղ Հայաստան» խմբակցության պատգամավոր Դավիթ Ղազինյանը։

Նա խոսքով այդ ընթացքում վերոհիշյալ կառույցները անարդյունավետ են աշխատել։

«Կարող ենք ունենալ հիմնավոր կասկած, թե այսքան ժամանակ ինչու է մնացել Տարածքային կառավարման նախարարության կազմում, երբ գյուղացիները ջուր չլինելու պարագայում գնում էին գյուղապետի մոտ, և գեներացնում էին բողոքը, հաշվի առնելով, որ Ջրային կոմիտեն և համայնքապետերն էլ ենթարկվում էին ՏԿԵ նախարարին, ադրանք չէին լուծվում»,- ասաց Ղազինյանը։

Ընդդիմադիր պատգամավորը հարց բարձրացրեց, թե Ջարային կոմիտեի անարդյունավետ կառավարման համար, որ կառույցն է մեղավոր և կարծիք հայտնեց, որ այդ կոմիտեն ճիշտ է աշխատել միան գյուղնախարարության մեջ։

Անդրադառնալով «Վեոլիա Ջուր» ընկերության անարդյունավետ աշխատանքի խնդրին՝ Ղազինյանն ասաց. «ՏԿԵ նախարարը արագ-արագ ճգնաժամի մասին հաղորդում էր գրում ՀԷՑ-ի հետ կապված, թող վերցնեն Հանրային ծառայությունները կարգավորող մարմնի դիմում-բողոքների ցանկը և կտեսնեն, որ մի քանի անգամ, եթե չասեմ՝ տասնապատիկ ավելի շատ է եղել «Վեոլիա Ջուր» ընկերության բողոքները։ Հարց է առաջանում, թե ինչն է ձեր համար խոչընդոտ հանդիսացել, որ մի դիմում էլ չեք գրում Վեոլիայի հետ կապված»,- ասաց Ղազինյանը և ինքն էլ պատասխանեց, որ դրա պատճառն այն է, որ պետությունը պետք է ներդրում անի, բայց քանի որ չի կարողանում կառավեր և համարվում է վատ կառավարիչ, այն չի անում։