Լուլա դա Սիլվան չորրորդ անգամ դարձավ Բրազիլիայի նախագահ

Ձայների 99,98%-ի հաշվարկի արդյունքների համաձայն՝ Լուիս Ինասիու Լուլա դա Սիլվան հաղթել է Բրազիլիայի նախագահական ընտրություններում՝ հավաքելով ձայների 51,78%-ը։ Նրա մրցակիցը՝ աջ քաղաքական գործիչ Ֆլավիու Բոլսոնարուն, ստացել է 48,22%-ը։ Բարձրագույն ընտրական դատարանը ձայների հաշվարկի տվյալներին կից նշել է. «Արդյունքը մաթեմատիկորեն որոշված է»։

Ընտրողները, ըստ էության, ծննդյան օրվա նվեր են մատուցել Լուլա դա Սիլվային. հոկտեմբերի 27-ին նա կդառնա 81 տարեկան։ Ծնվելով բազմազավակ գյուղացիական ընտանիքում՝ Բրազիլիայի ապագա նախագահը դեռ 14 տարեկանում սկսել է աշխատել գործարանում։ 23 տարեկանում նա անդամագրվել է Սան Պաուլու նահանգի մետաղագործների արհմիությանը, իսկ ևս 12 տարի անց հիմնադրել է Սոցիալիստական աշխատավորական կուսակցությունը, որի կողմից էլ առաջադրվել է այս տարվա ընտրություններում։

Կրթության գրեթե լիակատար բացակայությունը չխանգարեց նրան բազմիցս պայքարել Բրազիլիայի նախագահի պաշտոնի համար 20-րդ դարի 80-90-ական թվականներին։ Լուլա դա Սիլվան դպրոցը թողել է չորրորդ դասարանից հետո, իսկ հետագայում մասնագիտություն է ստացել՝ դառնալով մեխանիկ։