Ռուսաստանի քաղաքացիները շարունակում են մնալ Վրաստանի այցելուների խոշորագույն խմբերից մեկը

2026 թվականի հունվար-սեպտեմբեր ամիսներին Վրաստանում Ռուսաստանի քաղաքացիների այցելությունների թիվն աճել է, սակայն մեկ այցելության հաշվով նրանց միջին ծախսը մոտ երեք անգամ պակաս է եղել Եվրամիության անդամ երկրներից և Միացյալ Թագավորությունից ժամանած այցելուների ծախսերից։

Ազգային բանկի և Զբոսաշրջության ազգային ադմինիստրացիայի տվյալների համաձայն՝ հաշվետու ժամանակահատվածում ԵՄ երկրների և Միացյալ Թագավորության այցելուների միջին ծախսը կազմել է մոտ 1,405 ԱՄՆ դոլար, իսկ Ռուսաստանի քաղաքացիների պարագայում այդ ցուցանիշը 491 դոլար էր։

Ավելի կոնկրետ, Զբոսաշրջության ազգային ադմինիստրացիայի տվյալներով՝ ընթացիկ տարվա առաջին ինն ամիսներին Վրաստան է կատարվել Ռուսաստանի քաղաքացիների 1 մլն 306 հազար 623 այցելություն։ Սա նախորդ տարվա նույն ժամանակահատվածի համեմատ ավելի է 60 հազար 879 այցելությամբ կամ 4.9%-ով։

Ռուսաստանի քաղաքացիները դեռևս հանդիսանում են Վրաստանի այցելուների խոշորագույն խմբերից մեկը։ 2026 թվականի առաջին ինն ամիսներին նրանց բաժին է ընկել միջազգային այցելությունների մոտ 21.4%-ը։

Այցելությունների աճին զուգահեռ փոքր-ինչ ավելացել են նաև Ռուսաստանից ժամանած այցելուների կողմից Վրաստանում կատարված ծախսերը։ Ազգային բանկի տվյալներով՝ 2026 թվականի հունվար-սեպտեմբեր ամիսներին Ռուսաստանի քաղաքացիների ծախսերը կազմել են 641.3 միլիոն ԱՄՆ դոլար, այնինչ անցյալ տարվա նույն ժամանակահատվածում այդ ցուցանիշը 560.3 միլիոն դոլար էր։

Aliq.ge