Այն պնդումը, թե ԵԱՏՄ-ից դուրս գալը կապացուցի անկախության և ինքնիշխանության ամրապնդումը, մոտավորապես նույնն է, ինչ եթե ձեզ ասեին, որ ոտքերը կտրելուց հետո դուք կսկսեք ավելի արագ վազել․ ապուշությո՞ւն է․ Արման Աբովյան

Հեռուստացույցների, սմարթֆոնների և համակարգիչների էկրաններից հեռարձակվող իշխանությունների բացահայտ քաղաքական բթամտության փառատոնը, ըստ էության, դարձել է «ժողովրդի» միակ զվարճանքը։ Այս մասին ֆեյսբուքյան իր էջում գրել է նախկին պատգամավոր Արման Աբովյանը։

 

«Օրինակ՝ այն պնդումը, թե ԵԱՏՄ-ից դուրս գալը կապացուցի անկախության և ինքնիշխանության ամրապնդումը, մոտավորապես նույնն է, ինչ եթե ձեզ ասեին, որ ոտքերը կտրելուց հետո դուք կսկսեք ավելի արագ վազել։ Ապուշությո՞ւն է։ Իհարկե։

 

Եվ վերջապես, մի հարց այն իշխանություններին, որոնք այս նույն ապուշությունն են գեներացնում տեղեկատվական դաշտում. եթե ԵԱՏՄ-ում ամեն ինչ այդքան վատ է, ապա ինչո՞ւ եք այդքան կառչած մնում դրանից։ Ստացվում է, որ, ձեր իսկ նախորդ ապուշական նարատիվի համաձայն, դուք դեմ եք Հայաստանի անկախության և ինքնիշխանության ամրապնդմանը։

 

Ամենահետաքրքիրն այն է, որ այս ապուշությունը հորինողները և տարածողները, ի տարբերություն իրենց տարածած հիմար «մտքի գոհարների», ոչ ապուշ են ոչ հիմար։ Նրանք պարզապես անկեղծորեն բոլորիս են ապուշի տեղ դնում։