F-16 կործանիչները Հարավային Կարոլինայում Թրամփի հանրահավաքի ժամանակ կասեցրել են ինքնաթիռն արգելված գոտում

Ամերիկյան F-16 կործանիչները կասեցրել են թեթև քաղաքացիական ինքնաթիռը, որը խախտել էր թռիչքների ժամանակավոր սահմանափակումները Հարավային Կարոլինա նահանգի Քլեմսոն քաղաքի օդային տարածքում, հայտնում է CBS News-ը։

Միջադեպը տեղի է ունեցել չորեքշաբթի, երբ ԱՄՆ նախագահ Դոնալդ Թրամփը նախընտրական հանրահավաքում ելույթ էր ունենում՝ հաջակցություն հանրապետական Դարլին Գրեհեմի, որը հավակնում է Սենատում տեղ զբաղեցնել։

Հյուսիսամերիկյան օդատիեզերական պաշտպանության հրամանատարության (NORAD) տվյալներով՝ կործանիչները օդ են բարձրացել տեղական ժամանակով 17:30-ից քիչ անց։ Զինվորականներն ուղեկցել են ինքնաթիռը՝ մինչև այն անվտանգ վայրէջք է կատարել մոտակա օդանավակայանում։

NORAD-ում նախազգուշացրել են, որ այն օդաչուները, որոնք խախտում են թռիչքների սահմանափակումները, վայրէջքից հետո կարող են բախվել դաշնային իշխանությունների ներկայացուցիչների հետ և ենթարկվել օրենքով նախատեսված պատժամիջոցների։

ԱՄՆ Քաղաքացիական ավիացիայի դաշնային վարչությունն օդային տարածքի օգտագործման ժամանակավոր սահմանափակումներ է մտցնում տարբեր պատճառներով, դրանց թվում՝ խոշոր մարզական, ժամանցային և քաղաքական միջոցառումների ժամանակ։ Հատուկ անվտանգության միջոցներ սովորաբար ձեռնարկվում են, երբ երկրում կամ քաղաքում գտնվում է երկրի նախագահը։

Թրամփը նախընտրական հանրահավաքում ելույթ էր ունենում Քլեմսոնի համալսարանի T. Ed Garrison Arena-ում։ Սենատոր Լինդսի Գրեհեմի քույրը՝ Դարլին Գրեհեմը, որը մահացել էր հուլիսին սրտային հիվանդության պատճառով վիճակի հանկարծակի վատթարացումից հետո, զբաղեցրել էր նրա տեղը հատուկ ընտրություններից հետո։ Այժմ նա առաջադրվում է լիարժեք ժամկետով՝ որպես Հանրապետական կուսակցության թեկնածու։ Նրա մրցակիցը Դեմոկրատական կուսակցությունից Էննի Էնդրյուսն է։

Նման միջադեպերը վերջին շրջանում բազմիցս տեղի են ունենում Թրամփի նախընտրական շրջագայությունների ֆոնին՝ նոյեմբերին նշանակված Կոնգրեսի միջանկյալ ընտրություններից առաջ։ Անցած հանգստյան օրերին զինվորականները կասեցրել էին ինքնաթիռը, որը խախտել էր թռիչքների սահմանափակումները Օհայո նահանգի Ցինցինատի քաղաքի վրա, երբ ԱՄՆ նախագահը մոտակայքում մասնակցում էր մեկ այլ հանրահավաքի։ Նմանատիպ դեպքեր արձանագրվել էին նաև սեպտեմբերի վերջին՝ Թրամփի Չիկագո այցի ժամանակ, և օգոստոսին՝ Օհայոյի Ժնև քաղաքում դեռահասների համար անցկացվող մարզական մրցաշարին նրա մասնակցության ընթացքում։

ԱՄՆ ռազմաօդային ուժերը հիշեցնում են օդաչուներին, որ երթուղիներ պլանավորելուց և թռիչքից առաջ անհրաժեշտ է ստուգել ժամանակավոր սահմանափակումները։ Համապատասխան ծանուցումները հրապարակում է Քաղաքացիական ավիացիայի դաշնային վարչությունը։