«Էլդրայվ» ընկերությունը պարզաբանում է տարածել ավտոմեքենաների մատակարարման ուշացումների վերաբերյալ

«Ժողովուրդ» օրաթերթի հրապարակմանն ի պատասխան՝ «Էլդրայվ» (Eldrive) ավտոներկրող ընկերությունը պարզաբանում է ներկայացրել հաճախորդների պատվիրած ավտոմեքենաների մատակարարման ուշացումների պատճառ

«Էլեկտրոմոբիլներ ներմուծողների շարքում խոշոր հարկատու հանդիսացող «Էլդրայվ» ընկերությունը հայտնում է, որ ուշացումների հիմնական պատճառը չինական մատակարարների կողմից անհուսալիության և խարդախության դեպքերն են։ Հաճախորդների մեծ պահանջարկը բավարարելու նպատակով «Էլդրայվ»-ը համագործակցել է նոր չինական մատակարարների հետ, որոնք չեն կատարել իրենց պայմանագրային պարտավորությունները։ Արդյունքում ընկերությունը կրել է շուրջ 1 միլիոն դոլարի ֆինանսական վնաս, իսկ ավտոմեքենաների մատակարարումը հաճախորդներին սահմանված ժամկետներում խափանվել է։ Չնայած մատակարարների պատճառած վնասներին՝ «Էլդրայվը»-ից ընդգծում են, որ ամբողջությամբ ստանձնում են պատասխանատվությունը հաճախորդների առջև, քանի որ պայմանագրերը կնքվել են անմիջապես իրենց ընկերության հետ։Ստեղծված իրավիճակը կարգավորելու նպատակով ընկերությունն առաջարկում է հետևյալ լուծումները․

Կանխավճարների վերադարձ․ Այն հաճախորդներին, ովքեր չեն ցանկանում սպասել մինչև ընթացիկ ամսվա վերջ (երբ նախատեսվում է ավտոմեքենաների հիմնական խմբաքանակի ժամանումը Վրաստան), առաջարկվում է ամբողջությամբ հետ ստանալ կատարված կանխավճարները։

Լիզինգային ծախսերի փոխհատուցում․ Այն հաճախորդներին, ովքեր մեքենան ձևակերպել են լիզինգով և մինչև մեքենան ստանալն արդեն կատարել են ամսական վճարումներ կամ կրել տույժեր, «Էլդրայվ»-ը խոստանում է ամբողջությամբ փոխհատուցել այդ գումարները՝ համապատասխան վճարման անդորրագրերը ներկայացնելու դեպքում։

Ընկերությունը հավաստիացնում է, որ ձեռնարկում է բոլոր անհրաժեշտ միջոցները հաճախորդների իրավունքներն ու շահերը պաշտպանելու և խնդիրը հնարավորինս սեղմ ժամկետներում կարգավորելու համար։

«Էլդրայվ» ընկերությունը բազմիցս ապացուցել է իր հաճախորդակենտրոն լինելը, ինչի վառ վկայությունն են ստացած բազմաթիվ մրցանակները, շուկայում մշտապես առաջատարների  շարքում լինելը, ինչպես նաև խոշոր հարկատու հանդիսանալը: Անգամ ստեղծված ֆորսմաժորային իրավիճակում ընկերությունն ամբողջությամբ իր վրա է վերցնում պատասխանատվությունը՝ վերադարձնելով կանխավճարները և պատրաստակամ լինելով փոխհատուցելու լիզինգային կամ այլ ծախսերը:

Ի պատասխան  օրաթերթերում հրապարակված այն տեղեկատվության, թե իբր ՀՀ մրցակցության և սպառողների շահերի պաշտպանության հանձնաժողովը միջոցներ է կիրառել «Էլդրայվ» և «Սոլարավտո» ընկերություններից կազմված անձանց խմբի նկատմամբ, հարկ ենք համարում պաշտոնապես հայտարարել, որ այս տեղեկատվությունը բացարձակապես չի համապատասխանում իրականությանը և որևէ աղերս չունի իրական փաստերի հետ։ Հրապարակման մեջ տեղ գտած պնդումները՝ իբր հանձնաժողովի կողմից արձանագրվել են սպառողներին մոլորեցնելու ռիսկեր կամ կիրառվել են տուգանքներ ամբողջովին կեղծ են և ապատեղեկատվություն։ «Էլդրայվ» ընկերությունը գործում է բացառապես ՀՀ օրենսդրության պահանջներին խիստ համապատասխան, մշտապես կարևորում է սպառողների շահերի պաշտպանությունը, առաջարկվող ծառայությունների և պայմանների թափանցիկությունը: Կոչ ենք անում ԶԼՄ-ներին և հարթակներին՝ զերծ մնալ չստուգված, միակողմանի և ընկերության բիզնես համբավը վարկաբեկող տեղեկատվություն տարածելուց»,-նշված է հայտարարության մեջ: 

ների և ստեղծված իրավիճակի լուծման քայլերի վերաբերյալ։