Ռուսաստանը խնդրել է Հայաստանին կասեցնել «Մոդուս Գրանում»-ի արտադրանքի հավաստագրումը
Ռուսաստանի անասնաբուժական և բուսասանիտարական վերահսկողության դաշնային ծառայությունը՝ Ռոսսելխոզնադզորը, խնդրել է Հայաստանին հոկտեմբերի 15-ից կասեցնել «Մոդուս Գրանում» ընկերության արտադրանքի՝ Ռուսաստան արտահանման համար անհրաժեշտ անասնաբուժական հավաստագրումը։ Սահմանափակումը կառաջարկվի գործել մինչև ռուս մասնագետների կողմից ընկերության ստուգումը։ Այս մասին հայտնում է ՏԱՍՍ-ը՝ հղում անելով գերատեսչության նյութերին։
Ռուսական կողմը համապատասխան դիմումն ուղարկել է Հայաստանի սննդամթերքի անվտանգության տեսչական մարմնին։ Հրապարակման պահին հայկական կառույցը հարցի վերաբերյալ պաշտոնական մեկնաբանություն չէր ներկայացրել։
«Մոդուս Գրանում»-ը հայկական ընկերություն է, որն արտադրում է համակցված կերեր։ Այն գրանցվել է 2000 թվականին Արարատի մարզում։ 2018 թվականից ընկերությունն արտահանում է ձկների կեր, ինչպես նաև արտադրում է կերեր անասունների, թռչունների և ճագարների համար։
Ռոսսելխոզնադզորն ընկերության արտադրանքի մատակարարումը Ռուսաստան սահմանափակել էր նաև 2022 թվականի հոկտեմբերին։ Այդ ժամանակ ձկների կերի նմուշներում հայտնաբերվել էր ԳՄՕ-ի՝ գենետիկորեն մոդիֆիկացված օրգանիզմների պարունակության թույլատրելի մակարդակի գերազանցում։
2023 թվականին ռուսական գերատեսչությունը թույլատրել էր ընկերությանը շարունակել կերի մատակարարումը՝ ուժեղացված լաբորատոր վերահսկողության պայմաններում։ Այս տարվա մայիսին Ռոսսելխոզնադզորը կրկին հայտնել էր ընկերության արտադրանքում ԳՄՕ-ի հայտնաբերման մասին։
30-ամյա կինը հայտնել է, որ սեռական բռնության է ենթարկվել հյուրանոցում, ավտոմեքենայում ու նաև խոտերի ...
«Մարտական ընկերներ էինք կորցրել ու իմացանք, որ տարածքներ են հանձնում». ինչո՞ւ Արմեն Ղարիբյանը քաշեց ...
Քաղաքական մեսի՞ջ․ այսօր՝ սրտիկներ ադրբեջանական երգի ներքո, վաղը՝ պար ադրբեջանական դուդուկի տակ
«Եթե չդիմադրեի, ողջ չէինք մնա». Անի Ավետիսյանը մանրամասներ է պատմում Շաքիի միջադեպից
Տեսանյութն ակնհայտորեն հաստատում է, որ Իրանի քաղաքացիները Ծառուկյանից առնվազն 14․5 միլիոն դոլար են հ...
Պետք է խոստովանեմ, որ իրականում իմ արարքի համար զղջացել եմ. պետք է իջեցնեմ այլ «հրահանգ». Արթուր Դան...
COP17. Երևանում որ փողոցներն են փակ լինելու հոկտեմբերի 15-ին և 16-ին. ՆԳՆ-ի հորդորը
Դшնшկшհարnւթյուն՝ Երևանի կենտրոնում. տաք հետքերով 7 անձ ձերբակալվել է
Մարզերի հարգելի՛ բնակիչներ, խցանումները թեթևացնելու ֆեյք հիմնավորման տակ, ձեզ արգելելու են մարզային ...
«Սաղիդ դոսյեները սեղանիս է, ինձ հունից չհանեք». Մխոն տեղը չի գտնում. «Իրավունք»
