Թայվանը ԱՄՆ-ից ստացել է առաջին երկու F-16C Block 70 կործանիչները. War Zone

Թայվանը ԱՄՆ-ից ստացել է նախատեսված մատակարարման 66 մարտական ինքնաթիռներից առաջին երկու նորագույն F-16C Block 70 կործանիչները, գրում է ամերիկյան War Zone պարբերականը։

«Գրեթե յոթ տարվա սպասումից հետո Թայվանը ստացել է ԱՄՆ-ից գնման իր երկար ժամանակ հետաձգված՝ 66 նոր F-16C/D Block 70 կործանիչների պատվերից առաջին երկու ինքնաթիռները։ Դրանք առաջին գործարանային հավաքման նոր կործանիչներն են, որոնք մատակարարվել են Թայվանին վերջին 25 տարիների ընթացքում»,- գրում է պարբերականը։

Հարավային Կարոլինայի գործարանից կործանիչների տեղափոխումը տևել է մեկուկես ամիս՝ Հավայան կղզիներում առաջացած չնախատեսված տեխնիկական ուշացումների պատճառով, որտեղից դրանք Գուամով կղզի են հասել միայն հոկտեմբերի սկզբին, հայտնում է պարբերականը։

Մոտ 8 միլիարդ դոլար ընդհանուր արժեքով պայմանագրի իրականացումը բազմիցս հետաձգվել է մատակարարման շղթաների խափանումների, համավարակի հետևանքների և Viper Shield նոր ռադիոէլեկտրոնային պայքարի համալիրի երկարատև կատարելագործման պատճառով, նշվում է հրապարակման մեջ։

Ժամանած ինքնաթիռներն, ըստ War Zone-ի, հագեցած են APG-83 SABR ռադարներով և IRST21 Legion-ES թիրախների ինֆրակարմիր հայտնաբերման համակարգերով, հերթական մատակարարումները սպասվում են մինչև տարեվերջ, իսկ ԱՄՆ-ում հավաքման և փորձարկման տարբեր փուլերում գտնվում են ևս 63 օդանավ։