Երկրի Անվտանգության խորհրդի ղեկավարը չի հասկանում, թե ինչու չպետք է անլջությամբ չզբաղվի. Սիմոնյանը ջնջել, ապա դարձյալ տեղադրել է ԱՀ-ով ստեղծած Տիկ-Տոկյան «զոմբի թրենդը»

ՀՀ Անվտանգության խորհրդի ղեկավար հանդիացող Ալեն Սիմոնյանը դարձյալ իր էջում վերականգնել է մինչ այդ իր կողմից տեաղդրված և հեռացված տեսանյութը: Նա արհեստական բանականության օգնությամբ ստեղծել էր տիկ-տոկյան տեսանյութ՝ հետևելով զոմբի թրենդին»:

Նա քննադատություններից հետո ջնջել է տեսանյութը, ապա երևի հականալով, որ արդեն ուշ է, դարձյալ վերականգնել է այն՝ անհեթեթ տեքստ կցելով այդ տեսանյութոին, որը ներկայացնում ենք ամբողջությամբ:

Նենց մի նոր ինձ ոչ բնորոշ սխալ եմ արել ու շատ փոշմանում եմ: Ինչ-որ կարծրատիպերի դրդմամբ և որոշ ընկերներիս իմ մասին հոգ տանելու ցանկությամբ, մի գեղեցիկ տեսանյութ էի տեղադրել արհեստական բանականությամբ ստեղծված, ասեցին լավ է, քեզ պետք է, ես էլ տրվեցի այդ կարծրատիպային մտածողությանը և փակեցի իմ անձնական էջից այդ տեսանյութը: Հետո տեսա, որ որոշ լրատվականներ ու օգտատերեր իրենց համար թեմա են գտել և Ալեն Սիմոնյան են քննարկում: Դե ամեն մի չկայացած առիթը բաց չի թողնում մի փոքր Ալեն Սիմոնյան ծամի: Թե բա Սյունիքում տեղի ունեցածի ֆոնին ... նա դրել ջնջել է: 

Հիմա ուզում եմ ներողություն խնդրել ինքս ինձնից նախ և առաջ, որ տրվեցի այդ կարծրատիպերին և ինչ-որ պահի փակեցի այդ անմեղ ուղղակի զվարճալի թրենդային տեսանյութը իմ անձնական էջում: Ցավում եմ, որ ձեզ առիթ տվեցի, որ դուք համարեք, որ կարող եք ինձ տրամադրություն թելադրել: 

Իսկ հիմա ուշադիր բոլորդ. էն ռուսական սպուտնիկներին, քոչարյանական և սերժական նյուզերին և լուրերին իրենցից բան չներկայացնող վերծուծաբաններին: Բոլորով մի տեղ հավաքվեք և կամուրջից թռեք, բայց լուրջ դեմքի արտահայտությամբ «сугубо» լուրջ, ինչպես ինչ հիմարություն ու սրիկայություն կար արեցիք ու անում եք, լուրջ դեմքով ինչպես էշշություններ եք խոսում ու գրում և բոլոր ֆոները ի դեպ հաշվի առնելով, ու ձեր սեփականատերերին ձեր հետ չմոռանաք: Դուրս եկեք իմ անձնական էջերից, իմ անձնական կյանքից և կեղտոտ շորերից: Պաշտոնական դիրքորոշում եք ուզում մտեք պաշտոնական կայք կամ եկեք ու փորձեք ինձ հետ բովանդակային բան խոսել: Կամ ձեր տերերին բերեք թող ինձ հետ բանավիճեն կամ եկեք, կարողացեք հարցազրույց վերցնել ու խայտառակ չլինել: Թե չէ Ալեն Սիմոնյանը նկարվեց, ծիծաղեց, լաց եղավ, տեսանյութ հրապարակեց, չամիչով բուլկի կերավ, չմոռանանք նաև Ալեն Սիմոնյանի հարևանի մորքուրի մասին նյութերը գրել: Բա, որ մի հատ էլ, Սյունիքում եղած դեպքի ֆոնին են գրում:

Ա՜յ պետականության դեմ աշխատող վարձկան միավորներ, էդ ֆոնը ո՞րն է, ե՞րբ է ավարտվում, երեք օր է, թե մեկ, ժամը 12:00- ից հետո ֆոնը ավարտվո՞ւմ է: Կամ ինչ ֆո՞ն է. հարևան երկրի քաղաքացին հանցագործություն է արել, որի համար ՀՀ օրենսդրությամբ պատասխանատվություն է կրելու:

Կարծում եմ հասկացաք, որ ուղղությամբ հիմա կարող եք բոլորով գնալ: Հա ու չմոռանաք` գնալիս լուրջ դեմքի արտահայտությունը, դա շատ կարևոր է: