Ռուսաստանը Հայաստանին «սիրում» է 150 դոլարի չափով, իսկ Վրաստանին` 110

Հայաստանը գազ ստանում է սահմանին 150 դոլար հազար խմ-ի դիմաց, հայ սպառողները հազար խմ-ի համար վճարում են մոտ 320 դոլար:

Բնակչության համար մեկ խմ-ը 0.45 լարի կամ 96.24 դրամ է, իսկ երկրի համար գազի գինը տարբեր է՝ կախված գազատարից: Վրաստանը 250 մլն խմ գազ ստանում է Ադրբեջանից 55 դոլար հազար խմ-ը, 500 մլն խմ 64 դոլարով, էլի 500 մլն խմ 189 և 400 մլն խմ դոլարով, իսկ Ռուսաստանից 150 մլն խմ է Վրաստանը ստանում 110 դոլարով:

Տնտեսագետ Արտակ Մանուկյանը newspress.am-ին գազի գնի թնջուկի վերաբերյալ ասաց, որ պետք չէ զուգահեռներ անցկացնել Հայաստանի և Վրաստանի գազային քաղաքականությունների միջև, նախ այն պատճառով, որ Վրաստանը գազ է ստանում մի քանի երկրներից՝ Ադրբեջանից, Ռուսաստանից, Թուրքմենստանից:
Ըստ նրա, Հայաստանը կարող է բանակցել Իրանի հետ իրանական ագզ ստանալու համար, իսկ թե ինչու չեն բանակցում, տնտեսագետը նշեց, որ հարցը պետք է ուղղել կառավարությանը և Էնեգետիկայի նախարարին:

Ինչ վերաբերում է քառակողմ էներգետիկ համագործակցությանը, տնտեսգաետը նշեց, որ դա ավելի խոր բանակցություններ է ենթադրում, գազմաուղը պետք է Իրանից դուս գա, անցնի ՀՀ տարածքով գազ հասցնի Վրաստանին և Արևելյան Եվրոպայի երկրներ:

Այն տեսակետին, որ իրանական գազը թանկ է, Ա. Մանուկյանը նշեց, որ ներկա պահին գազի գինը երկուս ու կես անգամ նվազել է միջազգային շուկայում, իսկ թե Հայաստանին Իրանն ինչ գին կառաջարկի, պետք է բանակցություններ լինի, որ բանակցություններ չկան, ինչպես կարող ենք իմանալ, թե Հայաստանի համար ինչ գին Իրանը կառաջարկի:

Տնտեսագետ Արտակ Մանուկյանը կարծում է, որ գազի սակագինը բնակչության համար կարող է նվազել ավելի շատ քան 9% «Գազպրոմ Արմենիայի» մարժայի հաշվին, քանի որ «Գազպրոմ Արմենիան» 1000 խմ գազի դիմաց մաքուր շահույթը կազմում է 46 ԱՄՆ դոլար:

Նա նաև առաջարկում է գազի համար սահմանել սեզոնային գներ, ձմռան ամիսներին ավելի ցածր սակագին, իսկ ամռանը` ավելի բարձր:

Արտակ Մանուկյանը թեև հավանական է համարում բնակչության համար գազի սակագնի ինը տոկոս նվազումը, սակայն ընդհանուր առմամբ հայ սպառողի համար հնարավոր է գազի գինը նվազեցնել մինչև 40%, ինչն, ինչպես երևում է` չի արվում: