ՀԱՊԿ-ի արագ արձագանքման հավաքական ուժերը պատրաստ են դիմակայելու ժամանակակից սպառնալիքներին․ Սերդյուկ
ՀԱՊԿ-ի արագ արձագանքման հավաքական ուժերը պատրաստ են դիմակայելու ժամանակակից մարտահրավերներին և սպառնալիքներին։ Այս մասին հայտարարել է ՀԱՊԿ միացյալ շտաբի պետ, գեներալ-գնդապետ Անդրեյ Սերդյուկովը՝ «Ռուբեժ-2026» զորավարժությունների մասնակիցներին դիմելիս։
Նրա խոսքով՝ ՀԱՊԿ անդամ պետությունների պատասխանատվության գոտու սահմանների մոտ աշխարհաքաղաքական իրավիճակի անկայունության և միջազգային ահաբեկչական ու ծայրահեղական կազմակերպությունների ակտիվացման պայմաններում արագ արձագանքման հավաքական ուժերի հիմնական խնդիրն արտաքին ռազմական ագրեսիայի հետմղմանը և ազգային ու տարածաշրջանային անվտանգության սպառնալիքներին ժամանակին արձագանքելուն պատրաստ լինելն է։
Սերդյուկովը նշել է, որ այս տարի «Ռուբեժ-2026» զորավարժությունների ծրագիրը սերտորեն կապված է Ղազախստանի զինված ուժերի օպերատիվ և մարտական պատրաստության հիմնական միջոցառման՝ «Վճռական հակահարված-2026» ռազմավարական հրամանատարաշտաբային զորավարժությունների հետ։
Նա ընդգծել է, որ ուսումնական-մարտական խնդիրների կատարման ընթացքում հատուկ ուշադրություն է դարձվել համատեղ կառավարման համակարգի ծավալման գործողությանը փուլային նախապատրաստմանը և արագ արձագանքման հավաքական ուժերի մշտական ու կցված ստորաբաժանումների, այդ թվում՝ Ղազախստանի սահմանապահ զորքերի և ազգային գվարդիայի միջև համակարգված փոխգործակցությանը։
Զորավարժությունների բոլոր փուլերում հաշվի է առնվել իրական մարտական փորձը։ Մասնակիցները մշակել են հակաօդային պաշտպանության և ռադիոէլեկտրոնային պայքարի, անօդաչու թռչող սարքերի կիրառման ու դրանցից պաշտպանության հարցեր։
Լեռնաանապատային բարդ տեղանքում գործնական խնդիրներ կատարող ստորաբաժանումները ցուցադրել են բարձր մասնագիտական պատրաստվածություն, մարտական վարժվածություն և գործողությունների համակարգվածություն, նշել է ՀԱՊԿ միացյալ շտաբի պետը։
«Այս միջոցառումը ՀԱՊԿ-ի հավաքական ուժերի զարգացման հերթական քայլն էր։ Լիակատար վստահությամբ կարելի է հայտարարել, որ ՀԱՊԿ-ի արագ արձագանքման հավաքական ուժերը Կենտրոնական Ասիայի տարածաշրջանում պատրաստ են դիմակայելու ժամանակակից մարտահրավերներին և սպառնալիքներին», – եզրափակել է Սերդյուկովը։
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
Էրեբունիում հայրը փորձել է բռնաբարել դստերը. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
Կյանքից հեռացել է «Նաիրի» ԲԿ ֆիզիոթերապիայի բաժնի ղեկավար Անահիտ Հասրաթյանը
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
Ուկրաինան անօդաչուներով հարվածներ է հասցնում Սոչիին. կան վիրավորներ
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
