Էրդողանը գնում է Ադրբեջան` տեսնի, թե ոչխարի ատամները ոնց են քաշել-շպրտել. Լևոն Շիրինյան

Newspress.am-ը ղարաբաղա-ադրբեջանական սահմանին տիրող լարվածության հավանական զարգացումների մասին խոսեց քաղաքագետ Լևոն Շիրինյանը:

-Ապրիլի 25-ին Թուրքիայի նախագահ Ռեջեփ Թայիփ Էրդողանը այցելելու է Ադրբեջան: Հնարավո՞ր է դա սահմանին նոր լարվածություն առաջացնի:

-Էրդողանը գնում է Ադրբեջան երևի տեսնի, թե ոչխարի ատամները ոնց են քաշել-շպրտել: Բայց իհարկե պարզ է նաև, որ կպլանավորեն հակահայկական, հակաարցախյան նոր գործողություններ: Քանի որ Ադրբեջանի ձեռք բերած ահռելի զինտեխնիկայի  չնչին մասն է ռեալիզացրել, հիմա նրանք ամեն գնով պետք է աշխատեն դրանք ռեալիզացնել: Ադրբեջանցիները պատրանքի մեջ են, թե իբր հաղթել են: Իհարկե, փաստերն այլ բան ցույց տվեցին, բայց նրանք Արցախին և Հայաստանին մշտական լարվածության մեջ պահելու պլան ունեն: Ես միշտ ասել եմ և հիմա էլ կրկնում եմ, որ նոր ռազմական գործողություննե կլինեն: Ուստի մենք պետք է կազմակերպված գործողություններ ձեռնարկենք:

-Հրադադարի պայմանավորվածություն ձեռք բերվեց, բայց ըստ Ձեզ, ինչո՞ւ սահմանին դեռ լարվածությունը չի թուլանում: 

-Սահմանային լարվածությունը չի թուլանա, քանի որ զինադադար չի եղել, դա պարզապես պայմանավորվածություն է: Հայկական կողմը պետք է մտածի ինչպես ճզմի դրան:Կոմպրոմիս չի լինելու, չնայած բոլորն ուզում են, բայց այդ կոմպրոմիսը մենք թույլ տալ պարզապես չենք կարող, որովհետև դա կնշանակի անընդհատ նոր զոհեր և վիրավորներ: Նպատակը մեկն է` անընդհատ և վերջնականորեն հյուծել Հայաստանին,ուր  արտագաղթն, աղքատությունը  շարունակական բնույթ են կրում:

Մեր բանակը պետք է մտածի նոր գործողությունների մասին է: Պետք է խփել ստրատեգիական կետերին, առանց նայելու միջնորդները թողնում են, չեն թողնում, որ «պապան» որտեղից կնեղանա, չի նեղանա, քանի որ սա մեր ժողովրդի, պետության և անվտանգույթան հարցն է: Այն հաջողությունը, որ ունեցավ Արցախի պաշտպանական բանակը, պիտի ամրապնդվի: Իսկ այս վիճակը չի ամրապնդում: Սա հրադադար էլ չի: Մենք պետք է դիմենք ռազմական գործողությունների, պետք է լինենք ագրեսիվ, նախահարձակ, մենք պետք է խփենք իրենց կենսական ապահովության միջոցներին և պետք է օգտագործենք բոլոր հնարավորությունները, որ Ադրբեջանի բնիկ ժողովուրդները ապստամբեն: Ադրբեջանը պետք է տեսնի, որ մենք ոչ թե միայն խոսքով ենք սպառնալիք, այլ բոլոր իմաստներով պետք է նրա համար սպառնալիք դառնանք:

–Հայաստանի համար վտանգներ չկա՞ն հարձակողական քաղաքականության դեպքում:

-Թուրքական պետության գոյությունը վտանգ է Հայաստանի համար: Այս վիճակը ևս մեծ վտանգ է, քանի որ տարիներով քամվում ենք: Ադրբեջանը ամեն ինչ շատ ճիշտ էր հաշվարկել, բայց նրանք մի բան հաշվի չէին առել՝ հայ տղամարդու արժանապատիվ կեցվածքը, նրանք մտածում էին, որ հայը ճնշվել է, օլիգարխները կերել-պրծել են, բայց սխալվեցին:

Մինչև մենք սկզբունքային կետեր չունենանք, շարունակվելու է այս ամենը: Քսան տարի մենք պարզապես մսխեցինք մեր ժամանակը: Չեմ բացառում, որ հենց այս տարի էլ մեծ մասշտաբի նոր հարձակումներ կլինեն, նույնիսկ, եթե պատերազմ չհայտարարվի: Ես գտնում եմ, որ այս հարցը միայն ռազմական լուծում ունի: Պետք չէ ժողովրդի գիտակցության մեջ տեղավորել այն թունավոր բացիլը, որ այս հարցը քաղաքականապես կլուծվի: Ավելի լավ է դիմել ռազմական գործողությունների և հաղթել, քան թե տասնյակ տարիներ մնալ այս իրավիճակում: