ԱՊՀ տնտեսական խորհրդի նիստում մի շարք որոշումներ են ընդունվել

Աշխաբադում անցկացվել է Անկախ Պետությունների Համագործակցության տնտեսական խորհրդի 111-րդ նիստը։

Մասնակիցները քննարկել են ԱՊՀ անդամ պետությունների տնտեսական համագործակցությանն առնչվող հարցերի լայն շրջանակ։

Հաստատվել են բարձր տեխնոլոգիական արդյունաբերության ոլորտների համար հեռանկարային նյութերի արտադրության բնագավառում ԱՊՀ անդամ պետությունների համագործակցության զարգացման հայեցակարգի և դրա իրականացման միջոցառումների ծրագրի նախագծերը։

Հավանության են արժանացել ԱՊՀ անդամ պետությունների անտառարդյունաբերական համալիրի ոլորտների թվային փոխակերպման հայեցակարգի և դրա իրականացման միջոցառումների ծրագրի նախագծերը։

Հաստատվել է ԱՊՀ անդամ պետությունների տարածքներում միջազգային հաղորդակցության շրջանակում փոխադրումներ իրականացնելիս տրանսպորտային անվտանգության ապահովման ռազմավարության՝ 2026-2030 թվականների համար նախատեսված միջոցառումների ծրագիրը։

Հավանության է արժանացել ԱՊՀ անդամ պետությունների օդային երթևեկության կազմակերպման ազգային համակարգերի ներդաշնակեցման հայեցակարգի իրականացման միջոցառումների ծրագրի նախագիծը։

 Հաստատվել է 2026-2030 թվականների համալիր միջոցառումների ծրագիրը՝ մինչև 2030 թվականը նախատեսված ԱՊՀ անդամ պետությունների նորարարական համագործակցության միջպետական ծրագրի իրականացման նպատակով։

Համաձայնեցվել է ԱՊՀ անդամ պետությունների համատեղ գործողությունների ծրագիրը՝ մինչև 2032 թվականը բրուցելյոզի կանխարգելման և դրա դեմ պայքարի ուղղությամբ։ Այն նպատակ ունի նվազագույնի հասցնել հիվանդության հետևանքով առաջացող տնտեսական վնասը։

Տնտեսական խորհրդի հաջորդ նիստը նախատեսվում է անցկացնել 2026 թվականի նոյեմբերի 27-ին՝ Մոսկվայում։