ԵԱԶԲ․ Հայաստանում գնաճը օգոստոսին կազմել է 4,4%

Եվրասիական զարգացման բանկի (ԵԱԶԲ) զեկույցի համաձայն՝ Հայաստանում օգոստոսին տարեկան գնաճը կազմել է 4,4%՝ հուլիսի 4,5%-ի համեմատ։

Գնաճի դանդաղման հիմնական գործոնը պարենային գնաճի նվազումն է՝ 7,4%-ից մինչև 6,4%։ Դա պայմանավորված է գյուղատնտեսական առանձին ապրանքների գների նվազմամբ։

Ոչ պարենային ապրանքների գներն աճել են 2,4%-ով՝ նախորդ ամսվա 2,5%-ի փոխարեն, իսկ ծառայությունների ոլորտում գնաճն արագացել է՝ 1,8%-ից հասնելով 2,8%-ի՝ տրանսպորտային ծառայությունների գների աճի արագացման պատճառով։

ԵԱԶԲ-ն կանխատեսում է, որ ընթացիկ տարվա վերջում Հայաստանում սպառողական գների աճը կկազմի 4,4%։