Մոսկվայի հայկական համայնքը բարեգործական տոնավաճառով նշել է մայրաքաղաքի 879-ամյակը

Սեպտեմբերի 6-ին՝ Ռուսաստանի մայրաքաղաքի 879-ամյակի տոնակատարության օրը, Մոսկվայի Սուրբ Պայծառակերպություն հայկական եկեղեցական համալիրում, Նոր Նախիջևանի և Ռուսաստանի թեմի առաջնորդ Տեր Եզրաս արքեպիսկոպոս Նությանն ու մշակույթին, այլև քրիստոնեական գթասրտության դրսևորում․երսիսյանի օրհնությամբ, անցկացվել է բարեգործական տոնավաճառ։

Միջոցառումը ոչ միայն հարգանքի տուրք էր բազմազգ Մոսկվայի պատմությանն ու մշակույթին, այլև քրիստոնեական գթասրտության դրսևորում․ վաճառքից ստացված միջոցներն ուղղվել են բարեգործական նպատակների։

Տոնավաճառին մասնակցել են արհեստավորներ և ոսկերիչներ, որոնք ներկայացրել են հայկական դեկորատիվ-կիրառական արվեստի ավանդույթներով ստեղծված աշխատանքներ։ Յուրաքանչյուր ստեղծագործություն հոգևոր և մշակութային ժառանգության նկատմամբ հոգատար վերաբերմունքի վկայություն էր՝ արտացոլելով դարավոր արժեքներն ու քրիստոնեական գեղագիտությունը։

Օրվա կարևոր իրադարձություններից էր Հայ Առաքելական Եկեղեցու Ռուսաստանի և Նոր Նախիջևանի թեմի Լազարյանների անվան հայագիտության գիտահետազոտական կենտրոնի հովանու ներքո հրատարակվող գրքերի շնորհանդեսը։ Ներկայացված հրատարակություններն անդրադառնում են հայկական եկեղեցու պատմության, ավանդույթների և հոգևոր փորձառության տարբեր կողմերին՝ նպաստելով միջմշակութային երկխոսության ամրապնդմանն ու պատմական հիշողության պահպանմանը։

Տոնի հյուրերի համար նախատեսվել էին հյուրասիրություն և ճաշկերույթ, որը կազմակերպել էր Մոսկվայի ՎԴՆԽ-ում գտնվող «Հայաստան» տաղավարի և «Արարատ» ռեստորանի տնօրեն Արտյոմ Մուսայելյանը։ Ջերմ ու ընտանեկան մթնոլորտը ներկաներին հնարավորություն է տվել զգալ համայնքի միասնությունն ու ընդհանուր տոնակատարության մասնակիցը դառնալ։

Տոնական ծրագիրը եկեղեցական համալիրի տարածքում պատրաստել էին Մոսկվայի բուհերի ուսանողները՝ հայկական հայրենակցական միությունների ներկայացուցիչները։ Նրանց ստեղծագործական ելույթները վկայում էին այն մասին, որ երիտասարդությունը հոգատարությամբ պահպանում և ստեղծագործաբար վերաիմաստավորում է ազգային ու հոգևոր ավանդույթները՝ փոխանցելով դրանք հաջորդ սերունդներին։