Քվեարկեցին բանակում չծառայած շարմազանովների, օֆշորացված միհրանների ու ՀՀԿ սմերչակույտի համար

Նախօրեին Սպիտակ, Հրազդան և Թալին քաղաքներում տեղի ունեցան տեղական ինքնակառավարման մարմինների ընտրություններ, երեք քաղաքում էլ վերընտրվեցին գործող քաղաքապետերը՝ երեքն էլ ՀՀԿ-ից: Ասել թե ՀՀԿ քաղաքապետերը շենացրել են քաղաքները, չափազանցություն կլինի՝ փոխարենը չափազանցություն չի լինի ասել, որ այս քաղաքապետերը իրենց պաշտոնավարման տարիներին բավականին ունեցվածք ու եկամուտներ են կուտակել, բայց նորից վերընտրվեցին:

Պարադոքսալ մի վիճակ՝ որքան շատ են թալանում, այնքան շատ ենք վստահում, կարևոր չէ թե տվյալ դեպքում կաշառք թե ինչ զիբիլ է բաժանվում, կարևորն այն է, որ գիտակցությունը ընտրողի մոտ՝ ընտրությունը որպես միջոցառում տարբերել ընտրական գործընթացից՝ չի ձևավորվում: Ընտրությունից հետո կլինեն դժգոհողներ ու հատկապես նրանց կողմից, ովքեր մի երկու գրոշ վերցրին ու ընտրությունը դարձրին միջոցառում: Ինչևէ, եղածն եղած է, հետևություն անելու ժամանակն է:

Ապրիլյան չորս օրերը ցույց տվեցին որ ՀՀԿ-ն բարեխիղճ է գտնվել միայն իր ունեցվածքը շատացնելու հարցում՝ վտանգելով անգամ մեր 18 տարեկան զինվորի կյանքի անվտանգությունը: Սա միակ ու լրջագույն խնդիրն էր ապրիլի 17-ին իշխող կուսակցությանը պատժելու համար, ինչը չարվեց ու դեռ նոր հնարավորություն տրվեց: Ապրիլի 17-ին գոնե երեք քաղաքի մակարդակով այո ասվեց բանակում չծառայած բայց բանակի ու զինվորի մասին մեծ-մեծ խոսող շարմազանովներին, գազավորված-փուչիկացված կարեններին, օֆշորացված միհրաններին, բռնաբարող շմայսներին, թոխմախի մհերներին, լֆիկներին, բուլկիներին և ընդհանրապես հանրապետականացված սմերչակույտին: