Ջրամբարների լցվածությունն ուղիղ համեմատական չէ ոռոգման սեզոնին

Ոռոգման սեզոնը սկսվել է: Հայաստանի ոռոգումը ապահովում են ջրամբարները և Սևանա լիճը, նաև լեռների ինքնահոս ջրերն ու գետային համակարգը:

Ախուրյանի ջրամբարի ծավալը կազմում է 525 մլն խմ, այս պահին լցվածությունը կազմում է 464 մլն խմ, Արփի լճի ծավալը 105 մլն խմ է, իսկ այս պահին լցվածությունը կազմում է 32.0 մլն խմ, Ապարանի ջրամբարի տարողությունը 91.0 մլն խմ է, այս պահին լցվածությունը կազմում է 37.8 մլն խմ, Ազատի ջրամբարի ծավալը՝ 70 մլն խմ է, լցվածությունը կազմել է 53.2, Մարմարիկի ջրամաբարի տարողությունը 24.0 մլն խմ է, լցվածությունը կազմում է 14.5 մլն խմ, Կեչուտի ջրամբարի տարողությունը 25.0 մլն խմ է, լցվածությունը կազմել է 23.1 մլն խմ:

Նշենք, որ Ախուրյանի ջրամբարից հիսուն-հիսուն մասնաբաժնով օգտվում է հայկական և թուրքական կողմը, գուցե դա է պատճառը, որ ջրամբարի լցավծությունը բավականին մեծ է: Ինչ վերաբերում է Արփի լճին, որը նաև ջրամբար է, լցվածությունը բավականին ցածր է, պատճառն այն է, որ Արփի լիճ-ջրամբարն օգտագործվում է ոռոգման, նաև էներգետիկ նպատակներով և ջրամբարի լցվածությունը նվազագույն է, հիմնական էներգետիկ նպատակներով օգտագործելու պատճառով:
Նույն պատճառով Հայաստանի ամենամեծ ջրամբարը՝ Ապարանը, ևս իր լցվածության ցուցանիշներով չի փայլում: Ապարանի ջրերն օգատգործվում են էներգետիկ նպատակներով. ջրամբարից հոսող մեծ ջրային հոսքի վրա ՀԷԿ-եր են կառուցված:

Առաջին հայացքից զարմանալի է, որ Կեչուտի ջրամբարի լցավծությունն է մեծ, սակայն եթե հավելենք, որ հենց Կեչուտի ջրամաբարից է սնվում Սևանա լիճը, պարզ կդառնա, որ Սևանա լիճ պարզապես ջուր չեն տեղափոխել, այնքան չնչին քանակներ, որ ջրամբարի լցվածությունը գրեթե հավասար է տարողությանը:

Այնպես, որ ոչ թե հալոցքներ կամ ձնհալներն են լցվածության հիմնական ապահովողը, նաև ջրապահպանության շնորհիվ է ջրամբարում ջուրը պահպանվում, որը միայն լավագույնս իրականացվել է Կեչուտի ջրամբարի պարագայում: Իսկ թե ինչու, սա արդեն այլ հարց է: Պարզապես չեն ցանկանում Սևանի մակարդակը բարձրացնել:

Սևանա լճի մակարդակը այսօր կազմել է 1900.38 մետր՝ նախորդ տարվա նույն ժամանակահատվածի համեմատ 1900.27-ի փոխարեն: Մեկ տարվա ընթացքում Սևանի մակարդակը բարձրացել է 11 սմ-ով, իսկ թե Կեչուտի ջրամբարի ջուրը պահում են ո՞ր օրվա համար, դա էլ բոլորովին այլ հարց է: