Երկարատև «աղմուկից» հետո Վանաձորի թատրոնի տնօրենն ազատվել է աշխատանքից

NEWSPRESS.am-ի տեղեկություններով Վանաձորի Հովհաննես Աբելյանի անվան պետական դրամատիկական թատրոնի տնօրեն Լուսինե Սահակյանն ազատվել է զբաղեցրած պաշտոնից։

Նա Վանաձորի թատրոնի տնօրենի պաշտոնում նշանակվել էր 2019 թվականին։ 

Ըստ օդում կախված լուրերի՝ Լուսինե Սահակյանը Լոռու նախկին  մարզպետ Անդրանիկ Ղուկասյանի մտերիմներից է՝ բարեկամուհին, ու նաև նրա հետ քայլարածներից է: Ու պատահական չէ, որ Լուսինեն հայտնվել է այս պաշտոնում, հատկապես երբ այն ժամանակ Մշակույթի նախարարի պարտականություններն իրականացնող Նազենի Ղարիբյանն իր հարցազրույցներից մեկում հաստատել էր, որ ինքը վստահում է միայն քայլարածներին։

NEWSPRESS.am-ի տեղեկություններով՝ Լուսինե Սահակյանը փորձել է զբաղվել լրագրությամբ։ Դեռ տարիներ առաջ՝ ուսանող ժամանակ, նա փորձեց իր առաջին քայլերն անել Վանաձորի հեռուստաընկերություններից մեկում, սակայն դա մնաց որպես անհաջող փորձ։ Թեև նա ինքը շատ վայրերում իրեն ներկայացրել է իբրև լրագրող, սակայն այդպես էլ լրագրող չդարձավ՝ լրագրությունը նրա մոտ չստացվեց։

Լուսինե Սահակյանը՝ որպես բանասեր, դասավանդել է Վանաձորի պետական մանկավարժական համալսարանում և Երևանի թատրոնի և կինոյի պետական ինստիտուտի Վանաձորի մասնաճյուղում: Ասում են, օգտագործելով որոշ լծակներ՝ աշխատել է նաև Վանաձորի կերպարվեստի թանգարանում:

Ու թեև նրա շուրջ միշտ «աղմուկ» էր, բայց ինքը՝ ՏԻԿ.Սահակյանը, կարծես կամ չէր լսում, կամ պարզապես փորձում էր անտեսել իր շուրջը պտտվող տարատեսակ դժգոհությունները:

Ինչևէ․․․․

Նա ազատվում է իր զբաղեցրած պաշտոնից: Ասում են, նա մեկ այլ հաստիքով, դեռ կաշխատի թատրոնում:

NEWSPRESS.am-ի տեղեկություններով, թատրոնի տնօրեն է նշանակվելու Սևակ Սարգսյանը, ով ժամանակին եղել է Վանաձորի տիկնիկային թատրոնի տնօրենը: